滾得囍宮廷火鍋小炒 (已改名) 查看

朋友話要打邊爐, 於是搵間好食又特別嘅火鍋店. 今日去左北角馬寶道滾得囍宮廷火鍋小炒.先揀個靚湯底康熙花膠雞湯鍋, 成隻雞用黎打邊爐, 真係爽YY, 花膠又大又滑, 呢輪OT捱夜可以補一補. 雞皮好厚, 好甘甜, 雞肉實淨, 好好食, 有雞味, 嫩滑. 手切頂級安格斯牛肉, 油花分佈適中, 輕輕滾一滾, 轉色就可以放入口, 牛味香滾, 入口即溶, 好嫩滑.蜂巢豆腐 – 吸收哂花膠雞湯的精華, 不過小心D放入口, 因為湯底好熱, 蜂巢豆腐吸哂D湯, 好易燙傷口.最後有個奶凍做甜品, 將熱辣辣嘅口腔, 黎個冰火五重天, 精彩, 奶凍奶味香濃, 應該係用日本牛奶製作.