609
27
9
港鐵北角站 A2 出口, 步行約2分鐘 繼續閱讀
電話號碼
23313838
開飯介紹
走華麗宮廷風的火鍋店。推介四川麻辣湯底火鍋及手打丸拼盤。 繼續閱讀
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
*截單時間: 00:00
付款方式
Visa Master AlipayHK 支付寶 現金
座位數目
100
其他資料
網上訂座
餐廳運作模式 - C類 詳細介紹
Wi-Fi
酒精飲品
自帶酒水 詳細介紹
切餅費 詳細介紹
VIP房
電話訂座
賞訂座積分
加一服務費
有關獎賞計劃
食評 (667)
等級4 2021-09-19
535 瀏覽
武漢肺炎之後都會盡量避免一D 不必要既飯局, 但係有D 飯都係要食既~ 我地首選緊係打邊爐啦~ 我地本來揀咗呢間, 但係佢FULL 咗, 冇得食, 我地已經諗定PLAN B.... 點知surprisingly 食嗰日打黎, 話有位~ YEAH!!!! 我地可以食返PLAN A 喇!  呢間都係FRIEND 介紹, 佢話食過好好食, 尤其是佢個響鈴~我地去到, 見到佢裝修都幾特別, 好宮廷FEEL, 我地坐卡位, 都夠位, 幾舒服~ 我地叫咗佢個椰子藏雞濃湯鍋, 上枱既時候, 真係好啱打卡, 好似有乾冰咁既效果, 好正~ 影相一流~   我地仲叫咗好多嘢食, 當然唔少得FRIEND 推介既黃金響鈴啦~ 我地仲叫咗黃金炸魚皮, 細既手切頂級安格斯牛肉, 鹿兒島日本黑豚肉, 黃沙靚豬潤, 手打珍珠帶子墨魚丸,  新鮮手打鳳尾鮮蝦丸, 日本廣島蠔, 脆肉鯇魚, 海鮮拼盤, 蓮藕片, 竹笙, 鮮淮山, 南京鴨血, 皇帝菜~ 真係好多嘢食..... 難得出黎打邊爐, 緊係想食乜就叫乜啦~佢個海鮮拼盤真係好抵食, 398 都有幾多海鮮, 又好新鮮喎, 佢個黃金炸魚皮超級好食~ 其實佢全部嘢都好好食, 真係正~ 個FRIEND 冇介紹錯~佢仲有得JOIN 埋MEMBER, SCAN QR CODE 入資料, 好簡單, 咁就有85折, 仲有個黃金響鈴送, 真係正~ 佢唔係好平既打邊爐, 但係論食材黎講, 佢真係高質, 有85 折, 都慳唔少~ 下次BOOK 到都可以再黎~  繼續閱讀
(以上食評乃用戶個人意見 , 並不代表OpenRice之觀點。)
滾得囍宮廷火鍋小炒 𝗕𝗶𝗴 𝗕𝗼𝗶𝗹𝘀 𝗖𝗹𝘂𝗯 🥘🍲最近好興宮廷式設計🥢嘅火鍋🤣 今次呢間位於北角唔太當眼嘅位置,但同樣質素都十分唔錯。一去到有專人係你面前幫你消毒碗筷🍽,確保衛生乾淨✌🏻之後仲有四款唔同嘅前菜🥗提供。聖旨到!開始點菜🤣🤣 成日叫花膠雞煲,今次叫下「卜卜蜆湯底🐚🐚」!『順治特色卜卜蜆鍋』𝗛𝗸$𝟭𝟵𝟴- 呢個鍋除咗好Instagrammable 之外,仲要有無限無限咁多嘅蜆🤡 我同朋友一人起碼食咗30隻以上⋯食到最後都有,食唔晒🤣🤣 點解可以有咁多😜仲要隻隻都大大隻好新鮮,完全冇沙🤩 雖然menu寫話有一隻🌶,但其實個湯底好清,完全唔辣。呢個鍋底勁扺🤣🤣🤣性價比好高‼️『滾得囍宮廷丸拼盤』𝗛𝗸$𝟭𝟯𝟴- 全部都係手打丸🤣 綠色嗰個係菠菜豬肉,其他有啲係墨魚丸,有種係牛肉芝士丸。個人覺得啲味道好相似🤣🤣 我最鍾意係墨魚帶子丸 (右二)!裏面真係有一粒細細嘅帶子🥰🤩『極品魚肚 (棉花肚) 』𝗛𝗸$𝟭𝟮𝟴- 我好鍾意食魚肚🤩索晒啲湯勁正🥰🥰 不過呢個湯底比較清,嗌個重口味小小嘅湯底會更襯🤣『桂花蚌』𝗛𝗸$𝟭𝟯𝟴- 好耐冇食過桂花蚌😋 份量大概有八舊左右,好新鮮好爽脆😋😋😋『黑松露野菌餃 (半份四粒) 』𝗛𝗸$𝟲𝟮- 每一粒都漲卜卜,咬落去勁多餡🤩 勁重松露同野菌味道,超級濃郁勁足料!正💯‼️下次會再試其他餃類🤩🤩『西瓜汁』𝗛𝗸$𝟲𝟴- 份量比我想像中多🤩 好大樽!!真正嘅鮮榨西瓜汁,冇落糖水,唔會假甜,好飲🤩 飲品無論係酒精定係非酒精價錢都唔貴。(另有醬料費每位𝗛𝗸$𝟮𝟴)最後仲有一個類似奶凍嘅甜品,店員冇介紹係咩黎🤣 基本上每個火鍋菜式都好好食各有特色😋 服務環境亦都唔錯❣️唯獨是係前菜同甜品唔太吸引🥲埋單人均都係Hk$370,已經食到我哋好飽。去港島區打邊爐唔想食太貴可以考慮吓依間☺️ ! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-09-08
455 瀏覽
呢間係北角嘅火鍋專門店好有特色,店內環境闊落,裝修到好古色古香,貫徹宮廷風,連餐牌上各款湯底嘅名稱、餐具、擺設、環境都有濃濃古代風,就連枱上都有卷聖旨,可以扮下嘢又幾搞笑🤪🤪呢度嘅火鍋係逐樣叫,不過就主打矜貴同靚料路線,而且服務都幾貼心,上火鍋前會用個爐裝出熱水,有專人幫你淥一淥啲餐具,食得更放心👍🏻康熙花膠雞湯鍋湯底揀咗呢款養顏又矜貴嘅花膠雞鍋,先嚟一大碟花膠,每塊都係大大件又厚肉,好足料😻😻湯底滾起嘅時候店員就會幫你將花膠剪成幾塊放落湯底到,先食晒啲花膠,之後先落雞件同其他材料打邊爐。花膠厚肉唔腥,滾耐啲仲出晒豐富膠質,食完好似吸收咗滿滿collagen咁🤣雞件都有好多舊,好大件,呢個湯底感覺上食完都唔會好有罪疚感😛清酒鮮牛肉呢個嘅肉類款式多種類都好刁鑽,鍾意食唔同部位嘅人都可以order,我就叫咗呢款其他地方未見過嘅清酒牛肉,用清酒醃住牛肉,就算放咗落湯,食落都會食到微微嘅清酒香味,幾特別😗滾得囍餃子拼盤一次過可以試勻幾款餃子款式,每隻都係大大粒餡料勁飽滿,好足料。日本廣島蠔廣島蠔同樣係大大粒超級厚肉而且夠新鮮。滾得囍蔬菜拼盤竹笙足料竹蔗茅根人均消費:$480推介指數(10分為滿分):7分 繼續閱讀
(以上食評乃用戶個人意見 , 並不代表OpenRice之觀點。)
等級4 2021-08-27
559 瀏覽
估唔到北角馬寶商場有個咁有宮廷氣派既餐廳,專食火鍋,大約7點黎到已經好多人食緊。康熙花膠雞湯鍋,會有店員幫忙開爐,鍋料有半隻黃油雞(大概已有8成熟)上面舖上一層花膠,等湯滾起後,店員會再次黎到幫客人剪花膠放入湯底,更話俾我地聽可以先飲左花膠湯,再落雞同淥野食。花膠雞湯既花膠好滑溜,個湯亦好甜,食完成個鍋都唔覺好口乾,值得一讚,雞亦啖啖肉。清酒鮮牛肉,擺盤好靚好grand,每片牛既紋理都好靚,脂肪同肉既比例都均勻,放係湯拖十秒左右就岩岩好,非常嫩滑。魚皮響鈴雙拼,唔係一般火鍋店既質素,每塊魚皮都係完整大大塊,就咁食香脆有魚香味,浸一浸雞湯食又有另一番風味。響鈴亦係大大條,有種鬆化既感覺。牛柏葉洗得乾淨,淥既時間唔好太耐,就會有爽口既感覺。再沾少少自己配既豉油,更吊出味道來。最後2人share 左個白飯同埋雞蛋,撈湯食又正,配下牛肉同雞食又正,非常滿足既一餐,店員既服務亦都非常周到,真係好似有宮廷既享受咁。 繼續閱讀
(以上食評乃用戶個人意見 , 並不代表OpenRice之觀點。)
「滾得囍宮廷火鍋小炒」可以稱得上係一間主題餐廳,全店裝修以至餐牌菜式設計均以宮廷為題,聖旨到💫。最近我終於搵到時間入宮🤣,大家記得喺網上訂定枱,因為有折㗎。店員們態度友善,並主動提供協助。🍽餐具會喺我哋面前用熱水高溫清潔,感覺注重衛生。環境方面,每枱之間都有間隔,私隱度高。湯底有成十五款選擇🍲,喺唔噒骨同唔食海鮮嘅情況下,剩返唔係好多嘢揀🙈,我哋要咗韋小寶特濃沙嗲湯鍋($198)。沙嗲湯看似冇乜料,平平無奇,但飲落發現味道超濃郁,勁正。茶記嗰啲沙嗲湯同佢無得比,可能因為呢鍋落咗🐔雞湯,所以好入味。沙嗲湯帶點點微辣,而整體亦唔會太過杰撻撻。手切頂級安格斯牛肉($288/細),牛肉擺盤好有霸氣,啲乾冰先聲奪人,打卡一流😎。呢度有幾款牛肉揀,安格斯呢款算係較平,🐮不過牛肉味都好重,脂肪紋理分佈平均,但略嫌細塊咗啲,一次過食兩塊先夠喉。滾得囍宮廷手打丸拼盤($138),🍢一客有五款,每款兩粒,款式包括墨汁墨魚丸、芝心牛肉丸、菠菜豬肉丸、珍珠帶子墨魚丸以及黑松露野菌鮮蝦丸,當中有幾款味道比較相似,但同樣食得出係真材實料,例如爽口墨魚同蝦肉🦐。滾得囍蔬菜拼盤($78),佢應該叫蔬菜籃先至啱🥦,大大個籃放滿生菜、娃娃菜、油麥菜、菜心等。如果佢可以放埋粟米同菇菇就更佳,唔使多,少少就夠。正宗日本稻庭烏冬($38),我認為烏冬係繼牛肉以外必備嘅火鍋配料🍜,配合埋呢個咁出色嘅湯底,呢碗「沙嗲牛肉麵」簡直係冇得輸😋,滋味無窮。足料竹蔗茅根($68),竹蔗茅根以渣上,份量好多,有凍有熱,不過我相信依個天時無人會嗌熱啩☀️。涼茶清熱解渴,但甜度稍為輕手啲就好。店員最後仲為我哋送上甜品仔:迷你奶凍🥛,佢好鬼的骰,重點係心意!奶凍口感細滑,牛奶味好香,為呢餐作結。留意返👀,宮廷醬介每人$28,有啲貴。總括嚟講,食物質素果然同價錢成正比,味道方面我好滿意,好彩訂咗枱中午食,有68折爭好遠呢😍。最後,我要再講多一次,佢個沙嗲湯底真係令人舔舔脷,值得一試。 繼續閱讀
(以上食評乃用戶個人意見 , 並不代表OpenRice之觀點。)