影片
更多
2022-12-14
2795 瀏覽
第一次來到香港維港凱悅尚萃酒店既The Farmhouse 咖啡廳食lunch buffet🍽️🍴 ，去之前好期待呢😍💗💜 同爸爸撐枱腳，坐係窗邊座位，望到海景又夠光猛。🌞🥗先食沙律：每日有唔同款嘅即製沙律， 今次有凱撒沙律同秘魯醃海鮮沙律。凱撒沙律嘅羅馬生菜好爽脆新鮮，秘魯醃海鮮沙律比較少食，有特色， 醬汁酸酸地好開胃。之後食意大利醃菜， 例如橄欖同酸瓜，再配parma ham、煙三文魚、芝士🧀🥢爸爸中意刺身、壽司🍣， 選擇有三文魚、鯛魚、希靈魚及吞拿魚等。凍海鮮就有🦐凍蝦同青口，質素唔錯👍🔥熱盤開放式廚房區域好多熱葷菜式。BBQ即燒區有南美燒烤，試咗燒雞肉串好有驚喜雞肉，勁juicy。明爐燒味： 試咗叉燒同豉油雞🐔，我鍾意豉油雞夠嫩滑，食完都有encore，另外潮式鹵水豆腐及溏心蛋🥚都幾好食。😋各式印度咖哩： 夾咗兩件咖哩羊架比爸爸 ，我試咗少少覺得煮得啱啱好，好juicy。另外我鍾意剁椒比目魚🐟，比目魚肥美，剁椒調味惹味。仲有即點即製美食好似港式麵檔、即煮黑松露蘑菇醬意大利粉。🍨甜品：蛋糕款式幾多我就專攻自家製雪糕 勁多口味。試咗椰子味同薑撞奶，🥥椰子味好正，勁濃郁食到一絲絲嘅椰子
The Farmhouse 咖啡廳食lunch buffet🍽️🍴 ，去之前好期待呢😍💗
💜 同爸爸撐枱腳，坐係窗邊座位，望到海景又夠光猛。🌞
🥗先食沙律：
每日有唔同款嘅即製沙律， 今次有凱撒沙律同秘魯醃海鮮沙律。
凱撒沙律嘅羅馬生菜好爽脆新鮮，秘魯醃海鮮沙律比較少食，有特色， 醬汁酸酸地好開胃。
之後食意大利醃菜， 例如橄欖同酸瓜，再配parma ham、煙三文魚、芝士🧀
🥢爸爸中意刺身、壽司🍣， 選擇有三文魚、鯛魚、希靈魚及吞拿魚等。
凍海鮮就有🦐凍蝦同青口，質素唔錯👍
🔥熱盤
開放式廚房區域好多熱葷菜式。
BBQ即燒區有南美燒烤，試咗燒雞肉串好有驚喜雞肉，勁juicy。
明爐燒味： 試咗叉燒同豉油雞🐔，我鍾意豉油雞夠嫩滑，食完都有encore，另外潮式鹵水豆腐及溏心蛋🥚都幾好食。😋
各式印度咖哩： 夾咗兩件咖哩羊架比爸爸 ，我試咗少少覺得煮得啱啱好，好juicy。
另外我鍾意剁椒比目魚🐟，比目魚肥美，剁椒調味惹味。
仲有即點即製美食好似港式麵檔、即煮黑松露蘑菇醬意大利粉。
🍨甜品：
蛋糕款式幾多我就專攻自家製雪糕 勁多口味。試咗椰子味同薑撞奶，🥥椰子味好正，勁濃郁食到一絲絲嘅椰子肉。
🥰環境舒適，款式豐富，甜品有特色，滿意既一餐。
閒日去中午12點食到下午2時30分， 每位HK$358👍抵食😋
張貼
