淥鼎記

營業中

休息中

今日放假約咗朋友去旺角行街睇戲,睇完戲喺附近搵啲嘢食下,朋友推介我去咗一間火鍋放題,食物質素真係好好,我個人食個火鍋放題之中最好。鹿鼎記火鍋放題,地址喺彌敦道593號創興廣場,上到餐廳地方非常闊落,裝修得好有格調,行到出去自助區,醬汁,火鍋配料,飲品都係處理得非常乾淨整潔。 第一次見火鍋配料有咁多醬汁選擇,蠔油,沙茶醬,干蔥油咁冷門嘅都會有,值得一讚。火鍋配料都有幾十種,牛丸,蟹柳,鵝腸,牛柏葉,水魷,多不勝數。每一個配料都用透明膠兜裝住非常整潔。今日我哋選擇咗堂主套餐120分鐘,湯底係六選一,另外主菜都係六選一,主菜有重慶雞煲,老壇酸菜魚,乾鍋海鮮雜錦,藤椒烤魚椰奶雞清湯蘿蔔牛腩,今次我哋就選擇咗酸菜魚,酸菜魚分量好多魚肉非常嫩滑,味道鮮甜,食落去啖啖肉,一啲魚骨都冇。另外手機落單仲有好多選擇,全部都係任食,有牛肉,花甲,廣島蠔,脆骨腩,海蝦,蠔嘅size雖然唔大,但係味道鮮甜蠔味香濃,海蝦非常新鮮,蝦肉爽口彈牙,蝦膏都特別香口。值得一提脆骨腩肉質嫩滑,魚味香甜。上菜速度快,食材新鮮,性價比高,好值得推介。