影片
更多
2015-08-24
751 瀏覽
又係happy hour時間，出左黎尖咀行街加揾食。上次有朋友黎過話泰斗好好味環境又靚，咁我今晚一於同友人黎食下。好彩有book枱，上到黎好多人等位下。室外環境好有情調，但已full book，加上同友人遲到左少少，帶位姐姐問坐唔坐房，我覺得無所謂啦。嘩，原來間房好隱蔽，喺貨隔離，外面麻麻，但入到去好市正，有獨立冷氣同大電視，正喎，電視撈飯，哈哈 睇餐牌其間送上一壺水，有檸檬喺入面，透心涼。無乜心水叫咩食，店員堆介左佢地嘅特飲，椰菜苗同咖喱，都好喎，未試過又試下先。泰斗清新特飲 $48用檸檬皮磨碎沖成，清新香甜，夠解渴。椰青 $48好滿好多椰肉，清甜無添加，好飲。泰式炒椰菜苗 $108咁大個人都未食過椰菜苗，原來咁爽咁有口感，同椰菜差好遠喎。味道小小鹹小小辣，炒得夠火候又唔油，好正，十個讚！串燒沙嗲雞 $48雞肉一啲都唔乾唔鞋，點沙嗲醬好好味，我真係覺得泰國野嘅沙嗲醬超正。魷魚木瓜沙律 $118嘩，我都知木瓜沙律係辣嘅，但無諗過咁辣，哈哈，辣得好過引。木瓜絲爽口，酸酸辣辣好開胃，少少花生粒添口感又帶香氣。我倒覺得魷魚可有可無，木瓜先係主角嘛！新派美味老虎蝦 $288個咖哩汁超正！！
好彩有book枱，上到黎好多人等位下。室外環境好有情調，但已full book，加上同友人遲到左少少，帶位姐姐問坐唔坐房，我覺得無所謂啦。嘩，原來間房好隱蔽，喺貨隔離，外面麻麻，但入到去好市正，有獨立冷氣同大電視，正喎，電視撈飯，哈哈
睇餐牌其間送上一壺水，有檸檬喺入面，透心涼。無乜心水叫咩食，店員堆介左佢地嘅特飲，椰菜苗同咖喱，都好喎，未試過又試下先。
泰斗清新特飲 $48用檸檬皮磨碎沖成，清新香甜，夠解渴。
椰青 $48
好滿好多椰肉，清甜無添加，好飲。
泰式炒椰菜苗 $108咁大個人都未食過椰菜苗，原來咁爽咁有口感，同椰菜差好遠喎。味道小小鹹小小辣，炒得夠火候又唔油，好正，十個讚！
串燒沙嗲雞 $48雞肉一啲都唔乾唔鞋，點沙嗲醬好好味，我真係覺得泰國野嘅沙嗲醬超正。
魷魚木瓜沙律 $118嘩，我都知木瓜沙律係辣嘅，但無諗過咁辣，哈哈，辣得好過引。木瓜絲爽口，酸酸辣辣好開胃，少少花生粒添口感又帶香氣。我倒覺得魷魚可有可無，木瓜先係主角嘛！
新派美味老虎蝦 $288個咖哩汁超正！！！甜甜辣辣好平衡又唔會蓋過蝦嘅鮮甜，老虎蝦好大隻，肉爽又彈牙，蝦頭好多牙膏好好味呀～
烤薄餅 $24咖哩汁咁正，梗係要叫番個薄餅點黎食唔好哂，薄餅煙煙韌韌又唔油膩，點咖哩太好味了！
炸蝦餅 $98雖然係炸但唔覺油同熱氣喎，點泰式甜酸醬食一流，蝦餅彈牙有鮮蝦味，絕對唔係啲溝粉同味精嘅貨式，真材實料做嘅蝦餅凍左都唔會難食。
雖然係坐房入面，但不時有店員入黎問我地有無野需要，又收碟又加水，態度親切有笑容，全晚食得好開心同好滿足，唔怪得咁多人等位！！
張貼
