Robata Zawazawa (已結業)

食左一排，而家先動筆，因一個懶字！不過難得對呢度有共鳴，幾懶都寫寫！隱藏喺蘭桂芳一角，一般來說唔會特別留意到。但本人被友人名為地圖王，當然難唔到我！當晚同朋友六時多去到，時間尚早未有客人，一入門口紅紅嘅日本燈飾吸引我不停開始拍攝，好彩餐廳都冇話唔俾影，任我自由拍照！上層嘅座位原來唔多，勝在近距離睇到廚師嘅一舉一動，感覺親切，整體裝潢都好似令我覺得去左日本咁！正！食物:先黎迷你前菜，可以自己揀一款！味道唔錯！之後有成座山咁高嘅椰菜沙律，撈芝麻醬食好夾，賣相吸引，份量好多，抵食，二正！再點左蛋卷，係食日本嘢唔可以唔試嘅！嘩！冇令我失望，蛋味濃郁，伴碟嘅蘿蔔茸味道甜甜，又係正！爐端燒餐廳梗要點串燒，散叫左幾款梅子豚肉，腐皮年糕等，本人唔係專家，但廚師恰如其分嘅手藝確保串燒冇燒焦同仍然juicy已令人欣賞了！當然正！再黎個蕎麥冷麵，麵質不過軟，入口感覺啱啱好，果然係主菜後一種快樂享受！五正啦！最後點左雪糕，聽聞喺日本入口，不時轉換，今次就好好彩有出名嘅綠茶同香芋，感覺特別creamy, 連唔係咁好甜品嘅我都覺得好滿足！超正！小吃一餐，抱著肚子回家去，氣氛亦好好，咁多正，友人果然冇介紹錯！只嫌價