琥酌 (已結業)

呢間出名食吉列牛，而且燒肉亦都有供應，仲有不同嘅鍋物及刺身飯，真係想食乜嘢日本料理都可以喺度搵到。叫咗吉列炸蠔，一客三隻，炸蠔新鮮炸起，而且有廣島蠔嘅海水味，呢個好食。豚肉鍋蔬菜比較多，而且個味道都唔錯，送飯就一流。叫咗和牛三角肉，燒完味道咬落去充滿油脂，有和牛香，好食呀！安格斯肩胛相對地牛肉肉質較結實，而且食落去都充滿牛香；牛舌係我燒肉必叫嘅，牛舌心要燒耐少少，食落去好爽口有口感，燒肉質素高。吉列牛外面已經炸好，你只要根據自己喜好再將佢煎下，牛肉唔會好老，個邊脆脆哋幾好食。角切魚生飯份量比想像中多，足夠兩個人食，刺身切粒幾新鮮：有北寄貝、三文魚、油甘魚、吞拿魚等等...味道都幾好。