408
26
8
港鐵太子站 A 出口, 步行約1分鐘 繼續閱讀
所有分店 (2)
電話號碼
26500505
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
付款方式
Visa Master AlipayHK 支付寶 現金
座位數目
30
其他資料
網上訂座
Wi-Fi
酒精飲品
自帶酒水 詳細介紹
電話訂座
賞訂座積分
外賣服務
加一服務費
當面支付
有關獎賞計劃
食評 (474)
餐廳:琥酌 (太子)地址:太子西洋菜北街159A號地舖講起吉列,唔知大家會諗起咩呢?吉列豬扒?定係吉列魚柳?近呢幾年香港新興嘅吉列牛唔知大家又有無試過呢?比起前面兩者,仲多左一款樂趣就係可以自己燒去決定生熟程度,食飯能夠有多少少選擇權去揀自己想要嘅熟稔程度,同話事燒幾耐,都不失為一種享受太子西洋菜北街有一間叫琥酌嘅日式居酒屋,除左有各式各樣嘅日本清好似清酒梅酒咁,仲有日式火鍋、丼飯、刺身同吉列牛食,吉列牛仲有A5和牛同肩胛肉眼同美國安格斯肩胛肉揀頂級安格斯牛吉列御膳 $368安格斯肩胛肉取自豬背脊前方到肩胛骨位嘅肉,屬於豬身上運動量比較多嘅部位。肩胛肉嘅肉味比較豐富,而且肉香亦突出濃烈,加上帶少少筋又有啲油脂,以吉列嘅方式煎香,唔洗加任何調味都已經好好食琥酌丼(小) $68琥酌主打牛肉,而呢個琥酌丼就係和牛同安格斯牛肉粒配自家製醬汁嘅飯,一碗飯就可以試勻兩款牛,牛肉亦切成碎粒,加上野菌同香甜嘅醬汁,惹味得黎仲有好重牛肉香明太子手羽燒(2件) $48手羽先係日本名古屋嘅特產,名古屋當地嘅做法係先將雞翼炸好,然後再搽上唔同醬料,最後灑上香料。琥酌嘅明太子手羽燒將明太子塞入無骨雞翼入面再炸香,仲剩低香脆雞翼尖可以慢慢咀嚼,比起以往食開嘅雞翼,多左明太子係入面無咁單調亦夠哂特色 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-24
427 瀏覽
You can still feel the texture of the beef which is really good.-「吉列牛」就聽得多呀,到底佢係點黎咖呢?原來早就係明治時代,由西方傳入吉列牛烹調文化。但當時期既牛肉價錢比較貴,唔係個個應付得起。為左配合日本人口味,慢慢改用吉列豬同蝦,後來慢慢被重新掀起吉列牛熱潮,再延伸到利用小型烤爐比客人享受自己燒既樂趣。而今次我就同朋友黎到呢間專食吉列牛既專門店「琥酌」。店面面鋪唔大,不過簡約原木配搭水泥牆非常搶眼,帶出現代工業風格,有種新派居酒屋既感覺,唔會有好大既壓迫感!👇📌頂級安格斯牛吉列御膳 - $368👉餐廳既吉列牛套餐有平有貴,我就揀左呢個經濟型安格斯肩胛肉。呢到既處理程序會先將原塊牛肉沾上自家吉列炸漿,再放入高溫炸爐大概一分鐘,再厚切呈上。咁樣裡面仲保留到鮮紅半生狀態,再按自己鍾意既生熟程度,再放上小型鐵爐慢慢煎熟佢。Staff建議每邊煎返20-30秒就岩岩好,要留意時間好重要,煎耐左係會影響成個口感同埋肉質會變韌。而每啖肉都可以配搭返秘製醬汁,包括辣椒岩鹽、柚子胡椒、和風芥末。但我就認為食牛肉一定要原汁原味,先係最好食。個Set仲會附上三色野菜盛,分別有南瓜、一口蕃薯、翠玉瓜,叫做清清個味蕾!📌和牛涮涮鍋 - $128👉除左有吉列牛主食,仲點左個和牛涮涮鍋試下。呢到唔會有爐比你慢慢烚,廚師已經幫你整定好,只需要輕輕將所有材料浸一段時間就可以即食。醬油湯底甜度適中,和牛雖然唔屬於高等級,但食到就有濃郁肉味,入口腍滑,算幾有誠意。📌吉列和牛薯餅 - $68👉想食多樣吉列炸物就當然唔少得薯餅啦,佢地既炸漿非常鬆脆,咬落唔會漿住個咀,食得過! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-09
1511 瀏覽
之前喺日本食過吉列牛,返到嚟香港一直都想食返。突然醒起好耐之前喺香港食過一間都唔錯,於是再黎試下😁呢間餐廳嘅裝修頗有特色,牆上邊寫滿一啲有關日本嘅字,而且吧枱附近都擺放左日本嘅唔同嘅清酒,好有feel。比起我第一次嚟,都多咗好多唔同嘅菜式。而家唔單止有吉列牛食,仲有啲套餐會俾埋其他牛肉你自己燒,而且價錢亦都唔係話好貴。而且仲多咗一啲燒物,飯類,總之而家食物種類多咗好多👍🏻👍🏻👍🏻🥢安格斯吉列牛吉列牛表面炸得好鬆脆,炸粉唔係好厚,但亦都唔會同牛肉分離。有埋個細細的爐,侍應建議每邊少二十幾秒,但都視乎返自己想食幾多成熟就燒返幾耐,會邊燒20秒大約四五成熟左右。安格斯牛10分嫩滑😌,亦好重牛味,而且切得個厚薄適中。🥢明太子雞翼雞翼炸得好好,唔油膩。而且雞翼入邊啲明太子都好多, 10分飽滿。👍🏻👍🏻不過略嫌隻雞翼細隻咗少少,如果大隻啲就開心啲🤭🤭🥢和牛涮涮鍋睇樣都知道啲和牛油脂分佈得好好,係入口即溶嗰款,果然冇令我失望。🤤而且湯底唔會話太濃太咸,連埋啲配菜食簡直係一流。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-01
1646 瀏覽
好鍾意食呢道既吉列牛~~每次食完都再想ENCORE忍唔住今日又黎喇, 嘻嘻6點到, 有D早, 餐廳未有太多人呢...可以享受靜靜地咁食飯傾下計數量限定~~~想食要早D叫喔我既最愛黎喇!!!頂級美國安格斯吉列牛有3款調味料~~覺得簡簡單單點少少鹽就能帶出牛既鮮味大大份好吸睛既頂級美國安格斯吉列牛每塊既厚薄剛剛好....將吉列牛放上鐵板道燒~生熟度自己控制~~牛排軟腍又JUICY!!外脆內軟超好味丫琥酌丼 (和牛及安格斯牛肉粒配上自家制醬汁)好多好多牛肉粒!!!!! 整碗滿滿的牛味超濃郁, 口感非常豐富大大碗, 2個人SHARE食岩岩好~~~琥酌吉列盛合(吉列廣島蠔, 吉列大蝦, 吉列和牛薯餅)上枱熱辣辣....薄薄的炸粉非常鬆脆~吉列大蝦爽口彈牙!!吉列廣島蠔一D腥味都冇和牛薯餅, 外脆內軟, 薯蓉軟綿 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-30
1123 瀏覽
今日早收工 同友人嚟咗好近太子港鐵站嘅吉列牛專門店🙊 雖然舖頭唔算大 但都有兩張卡位 又有bar枱😬 店內較暗 但幾有情調 我地總共嗌咗三樣野食明太子手羽燒 雞翼外面炸得好香脆 炸粉唔會太厚 咬落去有好多明太子釀咗喺雞翼入面 有好輕微嘅辣味 又有肉汁 係一碟幾好食嘅小食🐥和牛涮涮鍋 牛肉上碟嗰陣仲係半生熟嘅 又有好多蔬菜係底 有金菇 娃娃菜 冬菇 豆腐 蛋 仲有大蔥 和牛食落口肉質鮮嫩 牛味好重😻😻湯底係傳統日式湯底 但係唔會係好甜嗰隻 味道啱啱好安格斯盛合 嚟到呢間吉列牛專門店 冇理由唔食返呢度嘅招牌菜嘅☺️ 店員一開始俾咗個鐵板同調味料我地 跟住吉列牛上檯 牛肉脂肪比例好均勻 出面有一層薄薄嘅吉列炸粉 然後放上熱辣辣嘅鐵板上面 聽到煎肉嘅嗞嗞聲 真係聽到都流口水🤤 煎好咗嘅吉列牛唔算係入口即溶 但係油香好重 全個口腔都有嗰陣牛油香味 最後食埋配菜 翠玉瓜同南瓜煎完之後都好香牛油味呀🎃呢間餐廳牛肉嘅質素好高 無論係炸嘅吉列牛定係淥熟嘅牛肉涮涮鍋都食得出牛肉嘅嫩滑 如果你係牛魔王 就一定要嚟試吓啦😛 繼續閱讀
(以上食評乃用戶個人意見 , 並不代表OpenRice之觀點。)