125
10
4
港鐵太子站 A 出口, 步行約1分鐘 繼續閱讀
電話號碼
2650 0505
營業時間
今日營業
12:00-15:00
18:00-23:00
星期一至日
12:00-15:00
18:00-23:00
付款方式
Visa Master 現金 八達通
座位數目
30
其他資料
網上訂座
Wi-Fi
酒精飲品
自帶酒水 詳細介紹
電話訂座
賞訂座積分
外賣服務
加一服務費
有關積分
招牌菜
吉列牛御膳 琥酌牛吉列野菜沙律
食評 (147)
人氣吉列牛 焦點食評
等級4 2017-06-18
31 瀏覽
之前喺韓國食過吉列牛,當時覺得中規中矩,但價錢唔貴,二人午餐大約係百零蚊位。香港已經開左好幾間吉列牛專門店,元朗、荃灣、太子都有,週五晚收工喺公司附近嘅琥酌晚飯。餐廳近旺角警署,日式裝潢,普通木枱木櫈,另有吧枱、少量卡位。枱與枱間唔算好逼狹,但二人枱面積偏細,真係僅僅好夠放得落兩個餐兩杯熱茶,冇多餘空間。未到晚飯時間,客人未算好多,吉列熱潮消退一點,但店員都有提醒,因為之後預約較滿,一小時左右就要交枱,想食最好先行預約。晚市和式牛吉列御膳共三款,分別係極上牛吉列御膳(日本A5黑毛和牛肩胛芯)、霜降牛吉列御膳(和牛肩胛肉眼)、牛吉列御膳(美國安格斯肉眼),定價$498/398/188,豐儉尤人。另有幾款小食供應,例如安格斯牛他他燒、沙律、玉子燒、蟹蓋等。牛吉列御膳 $188/份 (美國安格斯肉眼)你問我我就唔太捨得用4、5百蚊喺香港食和牛,今次第一次食,點最基本嘅美國安格斯肉眼吉列餐。點餐不久,店員就送上食物、石爐,並輕輕介紹烤牛方法、醬汁等資料,對餐廳產品起碼係好熟悉套餐包括吉列牛、椰菜絲沙律、龍蝦薯仔沙律、溫泉玉子、漬物、味噌湯、日本米飯,感覺都幾豐富。椰菜絲份量唔多,冇乜感覺;漬物用上菇菌,味道清淡;味噌湯唔係好夠熱。溫泉玉子可以單吃或拌飯食,滑溜;龍蝦薯仔沙律搓成球狀,薯仔味道突出,龍蝦肉少少地食到一粒,幾爽口烤爐幾乾淨,火力足夠烤肉。牛肉份量適中,大約十薄片,唔會話太細塊,一個餐夠食以一層吉列包裹,外面香脆肉嫩,店員有建議烤肉時間,不過都係參考而已,實戰按個人喜好生熟啦。牛肉紋理清晰,望落鮮紅,輕輕烤幾秒食得。牛味唔算好重,肉質咬落嫩腍冇筋,而且配上多款調料,燒汁、芥茉沙律醬、柚子醋、岩鹽、柚子胡椒、芥茉,帶出唔同感覺。個人認為以岩鹽、柚子胡椒最配合,提升味道烤肉配飯食係最佳配搭,用上日本米,飯粒較硬。呢次吉列牛體驗感覺比韓國食嗰次好少少,主要係醬汁差異,唔會覺得好dry,價錢唔貴,可以一試。之後希望抽到時間試埋其餘幾間吉列牛啦。餐牌: 繼續閱讀
(以上食評乃用戶個人意見 , 並不代表OpenRice之觀點。)
吉列之藝術 焦點食評
等級4 2017-05-07
896 瀏覽
小胖男友最近睇到介紹 帶我去太子試一間好特別既吉列牛專門店當日倆小口被安排坐bar枱位置 環境舒適 即使bar枱都坐得幾舒服既然打正旗號話係吉列牛專門店 當然menu都係以吉列牛為主打主餐牌黎講 和式牛吉列御膳都有分三種 - 美國安格斯牛, A5霜降牛, 同最矜貴既A5極上和牛話晒第一次食 我地小試牛刀 揀左最基本既美國安格斯牛係香港吉列豬就食得多 有吉列牛食既地方少之有少 小妹我都只係東京食過兩次不過好似呢間琥酌既食法(先炸後燒)就真係未試過 好特別雖然order既只係最抵食既美國安格斯 但睇個樣都一d唔輸蝕對於可以炸到個吉列外皮金黃色之餘 內裡既肉仍然保持住鮮嫩 小妹覺得非常神奇以吉列牛黎燒 不但可以鎖住到牛既肉汁 更比普通燒和牛增添多一份口感 外脆內嫩除左美味既吉列牛 御膳仲有溫泉玉子,椰菜絲沙律,漬物,同龍蝦薯仔沙律 配埋香棉有嚼口既珍珠米 Oishi~~~~~ 繼續閱讀
(以上食評乃用戶個人意見 , 並不代表OpenRice之觀點。)
朝聖吉列牛 焦點食評
等級4 2017-04-15
3034 瀏覽
早排吉列牛剛到港時係好大迴響,身邊既朋友都紛紛去左食,但我就遲遲未食。今次朋友終於應約,有機會一嘗。暫時有兩間專食吉列牛既食店,食完依間都有興趣試埋元朗個間。晚餐時間係有分3個價錢,甘我地就細細地揀左個$188既set,牛吉列御膳係美國安格斯牛。成個配套都包左好多野,龍蝦薯仔沙律、溫泉蛋、飯、菇菌同埋啲醬汁。除左有3種醬汁(燒汁,芥末醬,柚子醋)仲有柚子胡椒 ,岩鹽, wasabi可以吾同甘搭配肉食。見到安格斯牛用薄薄粉漿炸過,只有輕微邊邊位係熟左。一邊同朋友傾計一邊慢慢燒都幾正。我地燒得比較耐但店員都不停為我地點番著個火,好貼心!燒一陣就表面熟了!一開始每邊燒到表面看似全熟就食,甘內裡就會五成熟左右。但無甘熟會比較難咬,有嚼勁!但反而燒耐啲,表皮帶脆身仲更好,牛味會更重更出!蘸芥末醬好正,我地仲encore左個醬添,都幾搭。另外仲可以蘸溫泉蛋添,好似shabushabu食法。整體覺得不錯!未去過日本食過係香港食$188我接受到! 繼續閱讀
(以上食評乃用戶個人意見 , 並不代表OpenRice之觀點。)
料大 焦點食評
等級4 2017-04-09
1882 瀏覽
和股東們們商量一下公司的發展方向,因為大家都是女生,不想去酒吧,便在附近找一家餐廳邊吃邊說。來到琥酌門口,友人說這店家現時很火紅,吃的是燒牛肉。反正排隊的人未算太多,我們便決定在此晚餐。安格斯御膳,$188我們選了最便宜的那個餐,其實價格都不便宜,差不多要二百元。但見用了在日本吃懷石料理的陶瓷爐,感覺還是很高級。美國安格斯牛肉弄成長方形,再裹上麵包糠炸到外方鬆脆,內裡還是生的。自己在陶瓷爐上燒,每邊15秒,吃時牛汁四溢,十分juicy。肉質比較堅韌有嚼勁,夠實在。自家製漬物今日有菇。菇類微溫,下了檻欖油,味道清香,還想把友的都拿來吃。溫泉玉子像星加坡菜般,雞蛋用熱水把蛋白輕輕燙熟。蛋白一口可滑入喉嚨。加了少量紫菜碎的溫泉玉子沒有下鹽和調味料,味道較清淡,我把雞蛋拌飯同吃。龍蝦薯仔沙律把沙律紮成波型,玩味十足。 沙律有龍蝦的鹹香,是整道菜中最有特式最好吃的,不要忘了吃喔!赤味噌湯日本珍珠米米飯煮的比較淋身,略覺飯香不足。所以配上雞蛋同吃。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-04-03
2379 瀏覽
在出遊東京前相信大多數人都會上網睇遊記揾資料,而食更加係不能缺少嘅重要環節,咁喺我睇過多編遊記中最多人介紹就係新宿歌舞伎町嘅牛吉列,整到我人未出發,都忍唔住想即刻食到。剛好從為食伙伴探聽到太子酒吧街附近都開左間專營牛吉列嘅餐廳,大名係"琥酌",餐牌員工有禮,帶到座位後,就馬上為我們上茶,一般的綠茶,隨即送上餐牌。可為專家 ?餐廳只做牛吉列,餐牌簡單只係分左三個種類牛有美國安格斯牛肉,日本A5和牛肩胛內眼,日本A5黑毛和牛肩胛芯。而三種都係定食,當中有包括 自家製腌漬物今日係本菇,溫泉玉子,龍蝦薯仔沙律,椰菜絲沙律,赤味噌湯,日本珍珠米睇到套爐已有置身東京感覺醬汁已經有三款口味,燒肉汁,芥末沙律醬,柚子醋另外在盤上仲有另外三款調味,岩鹽,柚子胡椒,芥末,比較大名粒圓球狀原來就係龍蝦薯仔沙律,一咬落去外層薯泥味香濃,內裹夾雜了龍蝦肉粒,感覺獨特,仍在回味嘩全相如此,係咪好吸引呢?玉子可以做作沾食微煎後的牛肉或伴飯,我的選擇係就咁飲食,因為好滑牛肉外層炸粉薄,牛肉肉質軟嫩,略帶脂香,配上不同醬汁不同調味都有獨有口味,自我感覺岩鹽最能帶出牛肉香味職員在上餐時,已講解煎法,倆面各煎約30-40秒,真係好玩又好食,一次難忘嘅體會 繼續閱讀
(以上食評乃用戶個人意見 , 並不代表OpenRice之觀點。)