457
27
9
港鐵太子站 A 出口, 步行約1分鐘 繼續閱讀
電話號碼
26500505
營業時間
今日營業
12:00 - 15:00
18:00 - 23:00
星期一
全日休息
星期二至六
12:00 - 15:00
18:00 - 23:00
星期日
12:00 - 15:00
18:00 - 22:00
付款方式
Visa Master AlipayHK 支付寶 現金
座位數目
30
其他資料
網上訂座
Wi-Fi
酒精飲品
自帶酒水 詳細介紹
電話訂座
賞訂座積分
外賣服務
加一服務費
當面支付
有關獎賞計劃
食評 (528)
等級4 2020-02-01
169 瀏覽
新年前夕的4人團年飯,大家都想食牛吉列御膳,於是揀了琥酌,book左幾次先有位,thank友人。準時去到,唔算太多人。餐牌,揀了牛吉列御膳及小食。京都柚子酒,$38,食得燒肉,一於把酒,有清新的柚子味,酒味不太濃。山梨縣白桃酒,$38,友人的。Asahi,$48,友人的。蜜桃乳酸梳打,$28,友人的。前菜,劍魚腩 $10,口感嫩滑。霜降吉列御膳,$568,有和風芥末、柚子檸醋及辣椒岩鹽等調味醬料。和牛肩胛肉眼,牛肉厚身,自己燒,隨自己的喜好要幾成熟,燒好的牛肉,外層炸皮唔尚太脆,口感軟腍嫰滑,帶有肉筋,甘香富肉汁,幾美味呢。美國安格斯牛肉片,油脂分佈平均,牛肉味濃,口感豐厚。日本鹿兒島A5和牛肩,食落肥美又香口。嚴選牛舌芯,口感爽滑。和風野菜盛合。明太子雞翼,$48/2隻,雞翼釀入明太子,鮮鹹味幾香口。芝麻雞翼,$38/2隻,友人的。堅推薦琥酌牛魔卷,$128,本身是美國黑牛肩胛,但因缺貨用上和牛,賺了,thank~和牛口感軟嫩,牛肉味濃,忌廉芝士及牛油果配搭清新,口感豐富,幾美味。甜品,雪米糍。食物味道有水準,服務態度有禮。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-12
256 瀏覽
之前經過呢間人氣值好高嘅日本餐廳 ,一直好想試。終於抽到時間同朋友慢慢地享受啦。餐廳雖然吾算大,但坐得舒適。墻壁上嘅文字、日本櫻花、天花嘅日本雨傘形燈飾及酒吧嘅各種清酒等好有日本feel🎏。定食、炸物、燒物、 創意卷物、刺身等多款美食都好想試😋。最後點左✍️明太子雞翼✍️原條錦鰻御膳✍️安格斯御膳明太子雞翼脹卜卜嘅明太子雞翼外面金黃香脆,內裡釀滿實淨有咬口嘅餡料,令到本來已經香口去骨嘅煎雞翼,再添一份鹹鮮加微辛味,咬落啖啖肉,值得一試。餐湯都好足料吾馬虎原條錦鰻御膳大大條香燒鰻魚,肉身夠厚,肉質軟嫩,油脂嘅甘香、醬汁嘅鮮甜、加上香脆海苔同芝麻,好有口感。配合香軟珍珠米飯非常好滋味!安格斯御膳呢個係人氣最旺嘅晚餐,第一次試食吉列和牛。一排厚切均勻油脂分佈平均嘅和牛色澤粉紅,外面炸至金黃色,再配鮮豔蔬菜,賣相相當吸引。最難得有個細細嘅爐慢慢燒,要幾成熟由“我”話事。服務員細心地講解及建議每邊燒十多秒,熟中帶點血水嘅和牛入口相當Juicy又軟腍,原味不沾調味料已好好味,完全吾腥味。就算七八成熟,口感仍保留軟嫩可口,點上三小碟調味料,又有另一種風味。最後嘅蔬菜令口感平衡。豐富嘅晚餐,除了滿足視覺、臭覺同味覺外,服務員窩心嘅服務值得一讚,會再次光顧。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-04
710 瀏覽
高質吉列牛居酒屋😍難得今日個fd放假,我地大家都好鍾意日本野食,於是我帶佢離左依間好出名吉列牛既餐廳聚一聚,點知發現依間日式居酒屋原來咁高質!一離到見到裝修好靚,完全同日本既居酒屋間局一樣,仲有好多櫻花既decorations,我依d港女打卡一流🤣 離到緊係要食吉列牛啦,叫左個安格斯盛盒$368,燒烤爐同吉列牛分開上,未煮既大約3成熟,我地再擺上爐到燒一燒,燒到9成熟左右,擺入口勁好食!牛既外層有脆脆既吉列炸粉,但又唔會太厚,包住勁香勁林既安格斯牛,就算燒完都好juicy,口感外脆內軟,真心必食!五星級質素🤩🤟🏻另外叫左明太子手羽燒$48平時好驚d雞翼好油,食依間可以放心,完全唔會油,勁滑仲去埋骨,一啖咬落去全部都係明太子嘅餡料,超足料😛另一樣要推介嘅係琥酌井$118睇去相貌平平但真係爆好味!!!裡面有好多黑松露、肉碎、蔬菜絲、菇,黑松露味勁香,有勁多,一啲都唔吝嗇,好味又健康🥰依家真係我食過最好味嘅吉列牛,人生必食,下次一定會再帶埋成班friend嚟🤟🏻 繼續閱讀
(以上食評乃用戶個人意見 , 並不代表OpenRice之觀點。)
朋友就黎去英國exchange就揀間好啲嘅餐廳食食佢我地兩個都未試過吉列牛咁啱上網見到呢間環境幾好FEEL又吹到水就試試佢有兩款牛揀分別係特選A5黑毛和牛同埋 頂級安格斯牛我地決定唔咁敗家,食下面嗰款等食物嘅同時,我地望到有幅掛畫喺牆係超靚超有FEEL嘅吉列牛盛我地本身仲講緊應該係照騙轉個頭個職員就擺低個爐原來真係一式一樣 個爐仔靚到我用咗一張菲林喺佢到吉列牛 最厲害之處係佢層炸粉一啲都唔厚上枱時肉質仍然呈粉嫩紅,讓食客可按個人喜好決定生熟程度煎啲時啪啪作響由生變熟個過程真係好治癒放入口時,你仍然會辨識到嗰層薄薄炸皮 少少都無變淋到旁邊伴有蛋黃醬,海鹽同埋麻油  個人最愛蛋黃醬  濃滑的酸甜味道配吉列牛係絕配除咗牛,當然都叫咗啲蔬菜類呢到有啲燒物揀,我地叫咗燒芝士脆玉瓜同埋冬菇雖然上枱時已係熱辣辣但我嫌個芝士未夠溶,當時係擺番佢上去再燒多次十級好味!!!!原條錦鰻御膳呢碟嘢,就係我地揀平啲吉列牛餐嘅原因,真 係 好 大 條 !!!你會覺得可以用條鰻魚包住嗰舊飯當夾餅咁食鰻魚肉入口即溶,濃郁嘅魚鮮香偏佈味蕾,鰻魚汁亦是極為上盛只用汁送飯的話感覺都可以吃掉一碗唔誇張,係香港食過最好食嘅鰻魚飯一家店,兩個招牌菜!除了牛,定食,仲有刺身揀酒種類亦多唔係吹水條鰻魚真係高質過日本!!一定會再番黎食! 繼續閱讀
(以上食評乃用戶個人意見 , 並不代表OpenRice之觀點。)
等級3 2020-01-17
44 瀏覽
今日金魚街買野後去左呢間吉列牛餐廳晚飯。環境好似居酒屋咁,有卡位,又見到個水吧,我地差唔多七點去,平日未係好多人。畀左個卡位我地揀左一份安格斯牛肩胛肉($368),係單點,冇餐,有九塊,都唔平。不過望落塊牛又係幾靚嘅。每邊燒大樣15至20秒就啱啱好。個面包糠外皮唔錯,夠脆,而個牛有牛香,唔會韌,好味!!另外要左個鰻魚飯($108做主食),價格合理因為都幾大份。鰻魚唔夠熱,但夠厚肉同埋個蒲燒汁唔會太咸,又幾入味。本人對米飯比較著重,覺得啲米以日本餐廳嚟講就做得唔夠好,唔夠粒粒分明。另外叫左個小食,明太子手羽燒($48)有兩隻。去左骨,釀左啲明太子入去,好方便,咬落去啖啖肉,如果冇咁咸就更好!食物質素有改善空間,不過吉列牛係好味嘅,希望下次嚟嘅時候,試其他野會有驚喜! 繼續閱讀
(以上食評乃用戶個人意見 , 並不代表OpenRice之觀點。)