滿屋日本料理 (已結業)

前幾日同幾個同學經過銅鑼灣 見到廣場下而排哂長龍 味睇下咩事 原來係滿屋放題 之前聽過但未食過 原來有咁多人等食.. 我就問下隊頭果位員工有無walkin啦 好彩仲有   上到去拎住卡仔直接入座 我地4個人坐左張卡位 一開始更係例牌刺身啦 有勁多選擇 其他食物都有好多款係未食過既 估唔到我地落左單幾分鐘已經上枱 仲要係勁靚 我地幾個都影左唔少相 而且又好食 唔會有d冰係刺身入面 之後就開始叫其他熟食 多到數唔哂 牛舌羊架都燒得好好 入口又唔硬 味道好夠 雞翼都好食 芝麻雞翼仲正 又脆又好味 我叫左個叉燒拉面 細細碗岩岩好 d壽司細細舊 我一個人食6件唔同款都唔覺飽。火灸三文魚 同左口魚都勁好食 入口即熔仲有唔同卷物都幾好食 另外呢度d員工態度都唔錯 起碼會有禮貌咁同我地講野先 收碟加茶都會主動 有時落野食都會幫下我地汁個空位出黎 雖然眼見成間鋪都full哂 但少漏單 又keep到好禮貌 其實好難 到埋單果陣有一人一杯高級雪糕 勁正