金鶴拉麵 (蜆殼街)

營業中

休息中

突然間好想食雞湯拉麵，唔使諗第二間，金鶴拉麵嘅雞白湯拉麵好正，最鍾意佢濃郁白色湯頭，之前疫情期間都嚟過買外賣，而家都仲有外賣，湯麵分開放，唔會失色，喺呢個OpenRice 平台外賣自取仲有折扣。今日得閒梗係堂食啦，即做即食始終最好。我哋兩個人一人一個拉麵，招牌雞白湯拉麵 $98 係必食嘅，最鍾意去啲炸牛蒡，係佢先做到健康食品都咁美味，另外啲雞胸肉，又係好少人做到可以咁滑，真係好好食，湯頭極濃，奶白色，極正！令一碗係北海道蟹湯拉麵 $138，麵上有蟹肉、火腿肉、木耳，配料與剛才的不同，湯底一樣係白色係雞湯，但加咗蟹熬出好香的蟹海鮮味，呢碗第一次嘗試，好鍾意。經常食餃子炸雞，今次點雞肉棒串燒 $48，雞肉與雞軟骨混合，口感一流。