四季良晨 (新都城中心) (已結業)

今年除夕不能外出晚飯，經過e 間台式餐廳，有唔少地道台灣菜，好好味咁，就買左返屋企試下。晚市有唔少套餐都好吸引。我地揀左2個原盅燉湯嘅餐加左2個小食同飲品🥰是日靚湯係蘋果雪耳烏棗燉牛𦟌。天天都會唔同。飲落好清潤，仲要入面勁多料❤️2個餐都有配上湯時菜，食落紹菜唔會好淋，吸左d 上湯味道唔錯。主食方面，滷水蛋牛腩滷肉飯值得推介嘅係佢地嘅牛腩😍超入味，仲要係好腍🥰大大塊食得超滿足😋滷水蛋食落好香，唔會滷到好咸，唔錯👍🏻配埋滷肉飯好夾🤩滷肉飯係台式果款，唔會太肥🤗鹽酥雞扒滷肉飯鹽酥雞扒外皮唔會太厚炸粉，食落外皮脆脆，肉嫩嫩😋小食方面桂花糖雞翼 & 鹽酥花枝丸桂花糖雞翼，店家超貼心，將桂花糖分開，回家先再自行淋在雞翼上，雞翼食落有桂花香仲熱辣辣脆卜卜🤤鹽酥花枝丸，咬落去花枝丸真係有粒粒花枝係入面🤓👍🏻飲品方面，黑糖珍珠奶茶🧋奶茶飲落都黑糖好香配埋珍珠又幾夾😍芝士奶蓋抺茶，建議先用杯口飲😋因為可以飲到芝士嘅味同抺茶嘅味道😍飲落都好香滑。