麗姐素食館 (已結業)

之前在同一位置的友間齋舖無聲無息地結束，換來了麗姐，今晚在屯門巿本想食吉野家但太多人，於是轉移來試下麗姐。環境坐得幾舒服，夜晚無餐食，散叫的，臨近關門時間都比我地入黎食，食物送上幾快，但漏左個湯，等好耐問返先拎黎，服務態度卻幾好。南乳齋煲$78-因爲見到隔離食緊好似幾好食，問左店員就叫，有唔同新鮮既菜，主要係娃娃菜同椰菜，配搭幾好，賣相都唔錯，最緊要係個南乳汁好好味，濃稀適當唔會太咸，底下仲有粉絲添，下次都要再食！另一個粟米斑塊$78 就麻麻地，好薄片無口感，應該是用麵筋之類做，好實淨唔鬆化，味道唔好，粟米汁亦好hea，一啲都唔似斑塊，個人唔喜歡，一塊都唔想食晒。老火湯$12-無味精，似屋企湯，無肉煲所以唔油膩，但都夠甜，又多料，可吃。