帝樂 - 德國餐廳 (美利樓) (已結業)

同靚女遊赤柱慶祝小弟生日~見好多好評就選左呢間真係幾好, 唯一差係d 待應生太忙, 仲做到身水身汗 , serve我地果個肥哥哥真係出晒汗..辛苦晒, 不過態度都唔錯的...但真係見佢地個個都超忙..希望佢地可以請多d人...本來我想order 室外枱, 不過我打電話問佢露天係咪睇到海, 佢答我就算坐室內都睇到, 咁我又驚落雨就訂室內..其實環境都算ok, 但唔算太靜..浪漫唔講得, 但食完可以行下海邊補數~ 食物等待時間都幾耐...菜單同價錢都唔記得左...唯有post相比大家睇下啦..食物: 8分環環: 6分(其實唔算差, 但唔係我預期咁), 另外張枱唔算太乾淨..可能燈光暗, 清潔時唔係睇得咁清楚..好多地方無清潔好...服務: 7分價錢: 7分, 我覺得呢個價, 待應可以做得好d~提一提甜品如果唔跟餐, 其實都可以叫果個甜品樹的, 但我地食完先問佢地得唔得,所以無得食...有機會再黎赤柱會試下美利樓其他食店~原來只可post四張相, 唯有執執先post...