302
63
27
餐廳: 帝樂 - 德國餐廳 (美利樓)
資訊:

為推動全港減鹽減糖新飲食文化及新生活態度,食物及衞生局、降低食物中鹽和糖委員會及食物環境衞生署食物安全中心推出了《少鹽、少糖、少 • 確幸》餐飲聯盟,參與食肆會提供少鹽少糖選項予顧客,部份更會提供特定減鹽減糖菜式。參與減鹽減糖食肆會獲發計劃標誌,以供張貼於店舖內,供顧客識別。詳情可在此瀏覽:https://www.fhb.gov.hk/cn/our_work/feh/rssf.html

所有分店 (3)
電話號碼
28990122
開飯介紹
King Ludwig Beerhall 是一間位於赤柱的傳統德國餐廳。尖沙咀的店在九龍的中心地點。每晚都有樂隊表演。 繼續閱讀
特色
浪漫情調
營業時間
今日營業
12:00 - 00:00
星期一至五
12:00 - 00:00
星期六
11:00 - 00:00
星期日
10:30 - 00:00
公眾假期
10:30 - 00:00
付款方式
Visa Master 現金 AE 銀聯 JCB
其他資料
酒精飲品
自帶酒水 詳細介紹
VIP房
電話訂座
加一服務費
海景景觀
Live Music
室外座位
招牌菜
脆香燒豬和薯仔 德國香腸拼盤(三款)
食評 (418)
等級2 2020-12-20
1900 瀏覽
去赤柱行逛,少不免到美利樓看一下。記得之前二樓有一間德國餐廳和一間西班牙餐廳,今次去到西班牙餐廳已變為H&M(很久沒去赤柱了!)看樓下的海鮮餐廳,餐牌的價錢比較貴,所以決定今次去德國餐廳吃鹹豬手。過往去這間餐廳,因為同伴怕肥,也沒有叫過德國鹹豬手,今次的朋友很堅決的說兩個人食一個豬手,所以就點了這個set lunch。餐牌大部份的價錢都是過$200.1人,而德國豬手是$375(未加一)可以兩個人用,還包括自助沙律吧、餐茶和甜品,所以算是抵食。如果只是吃沙律吧,一個人都要$155了。沙律亦新鮮,特別是麵包,德國麵包非常有名,橢圓形的那個麵包內找不到提子,卻有提子乾的味道,忍不住吃了兩個。看到大部份其他的客人都是點這一個鹹豬手餐,應該不賴。豬手上來,嘩!啲皮吹到冇朋友!真的超正!豬手肉也不會過鹹,味道非常好,還有脆薯角,又脆又惹味,這個餐非常滿足!甜品則是按供應,之前看到其他枱的客人吃的是蛋糕,而我這個則是木糠忌廉,後來看到其他的是藍莓芒果布甸。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-11-28
1412 瀏覽
第一次嚟赤柱,估唔到唔係早上嚟而係晚上嚟,其實一直都想嚟呢邊參觀吓今次終於有機會,不過嚟到都已經好夜係晚上9點左右了,時間有限所以好快就揀咗美利樓嘅依間 2樓嘅打卡西餐廳因為時間真係有啲夜,我地9點先入座所以餐廳幾乎已經冇咩食客啦~ 我哋揀咗坐出面,因為可以睇風景出面剩返三四枱客人, 侍應好好招呼非常有禮貌即刻為我哋遞上餐牌亦都提示我哋如果叫甜品嘅話,就盡快,因為廚房嗰邊,甜品九點就收好貼心呀,d侍應笑容又親切我哋冇嗌到甜品,直接嗌主食我叫咗呢個飯,唔記得咗叫做咩名堂了一上枱真係嚇親囉,冇諗過會咁大碟因為 我一個人食唔到咁大份....佢啲料真係好足, 而且亦都好新鮮因為佢啱啱整出嚟,所以熱辣辣即刻食真係一流囉啲飯炒得粒粒分明,顏色好靚啲味道好特別,食落去有啲酸酸地好似食緊泰國菜冬陰功之類嘅味道咁啦~呢個美國肉眼扒 亦都好有驚喜超級大碟呀! 我哋叫咗七成熟佢就真係七成熟,唔會話好似有d餐廳咁煮到太生亦唔會話熟到切唔開而且佢啲味道, 雖然煎得有少少燶燶地但係我自己覺得燶得嚟,食落去又有啲香口好鍾意嗰陣帶有d燒焦燶味嘅牛扒哈哈哈佢啲肉真係啱啱好,唔會話好韌食落去亦都好嫩口, 好易就切得開所以我哋切成一塊一塊, 兩份分嚟食真係滿足曬我呢啲食肉獸,啖啖肉好滿足!檸檬茶就正正常常啦,不過好鬼大杯 我覺得好似飲極都飲唔曬咁成餐飯食完杯檸檬茶都未飲曬,哈哈而且餐廳好貼心, 糖漿係另開上有得畀你自己倒落去, 可以揀甜度最後因為唔夠飽,所以叫多咗個 小食我哋嗌咗,炸薯條配雞翼估唔到份量都幾多下,好似有成6,7隻雞翼而且有兩款味道嘅醬料可以點我哋覺得上面黃色嗰碟醬好食啲因為係啱啱炸出嚟,所以好鬼熱呀~食落去有一種好熱氣嘅感覺囉所以啲薯條真係超級脆卜卜,勁香口我覺得都ok,唔會話係成口粉嘅嗰種薯條啲雞翼就最好味,外酥脆內軟,肉好嫩滑好開出面嘅脆皮,入面啲肉汁流出嚟呢個小食真係好滿意,亦都好有驚喜!食埋真係飽到上心口,睇到海景之餘一邊吹風一邊傾計,咁啱見到下面又有人拍戲 真係覺得好relax,坐喺度食野心情都好啲 繼續閱讀
(以上食評乃用戶個人意見 , 並不代表OpenRice之觀點。)
等級3 2020-11-27
1093 瀏覽
放假去赤柱行吓,喺美利樓有呢間咁特別嘅餐廳,係德國主題,最出名嘅就係鹹豬手,係必試!份量非常之大,兩個人都未食得晒,炸得非常之香口,稍嫌乾咗少少,食得太多會有少少濟嘅,加少少酸菜或者茄汁中和下~另外叫咗個豬扒長通粉,雖然大家都係豬,但係一啲都唔膩,口感非常之唔同,呢個係梅頭扒,滑得來有咬口👍🏻餐廳環境都十分之有氣氛,如果係聖誕嚟一定好浪漫呀,而且坐戶外嘅話係可以睇到海景㗎👍🏻飲吓嘢傾吓計好正呀! 繼續閱讀
(以上食評乃用戶個人意見 , 並不代表OpenRice之觀點。)
等級3 2020-11-14
1392 瀏覽
慶祝結婚週年紀念日,老公安排了去赤柱行山& 食飯,赤柱係一個我好鍾意嘅地方,每次來都覺得好舒服😌午餐我哋去咗美利樓2 樓的 帝樂-德國餐廳🍴,安排咗我哋坐室外露台可望海的位置,張枱係好似D巨木製,好大坐得好舒服。我地坐的位置仲可以望到卜公碼頭☺️🌟食物:🌟我哋點左幾樣食物再加一個甜品,甜品還可以寫字,店員上甜品時仲幫我地影左張即影即有相送比我哋留為紀念💕🍀芒果沙冰🍀個樣好靚,仲有半個新鮮芒果伴住,真材實料👍🏻🍀德式芝士麵團青露筍🍀好特別,吃起來好香,雖然材料好簡單,但做得唔錯,不過略嫌份量唔算多。🍀海鮮蕃茄長通粉🍀🍀Rib Eye Steak 配 菠菜釀薯皮🍀至於長通粉就standard level,冇乜特別。Rib Eye Steak 份量都大件,最喜歡佢配的菠菜釀焗薯皮,有驚喜☺️🍀暖朱古力撻配熱情果、香草雪糕🍀甜品係最出色,佢個配流心熱情果汁好夾好好味😋🌟服務:🌟餐廳的員工好Nice, 個個都好有energy, 仲好詳細解釋D菜色味道,又會介紹邊D會比較啱香港人口味,有主動為我地加水,主動問需唔需要幫手影相,Excellent services 👍🏻 繼續閱讀
(以上食評乃用戶個人意見 , 並不代表OpenRice之觀點。)
等級3 2020-10-15
2616 瀏覽
疫情持續, 好耐冇一家人出外了。趁生日, 相約家人一齊去赤柱逛逛。去到赤柱已經係午飯時間, 個肚打晒鼓, 即刻去搵食。行到美利樓, 阿妹話不如去返5 年前影完婚紗相後去食果間餐廳回味下。去到, 餐廳仲健在喎, 咁就GOGOGO 啦! 餐廳有室外同室內座位, 因為去果時係9 月, 仲係好熱, 於是我哋二話不說揀咗坐室內。餐廳周末可以揀BUFFET 同散叫, 當時限聚令, 仲係2 人一枱, 我哋分開咗3 枱嚟坐。我哋安排咗父母食自助餐, 而我哋後生O既就散叫。脆皮燒豬肘配朘酸椰菜及菠菜釀薯皮 - 呢個咸豬手, 份量十足。餐廳職員幫我哋切開咗先上。首先要講下D 肉, 好淋好入味, 皮脆而不肥, 一咬落去就發出"咯咯" 聲. 好正! 由於只係2 個人食, 所以都算好大份下, 好飽肚。雖然夾埋D 酸菜食可以中和返D, 但係都有D漏。建議呢個3-4 人分享會好D。德式芝士麵糰配青露筍 - 呢個一食落口, 一個字: 好咸呀! 係好濃芝士味, 但係同時間好咸! 感覺食完係會面腫, 可能配啤酒食會好D!!! 不得不提呢個凍檸茶, 本來想叫一杯, 但職員問我哋要唔要加大, 價錢差十幾蚊, 但份量差一倍。於是我哋叫左一杯大, 兩個人SHARE! 抵!  繼續閱讀
(以上食評乃用戶個人意見 , 並不代表OpenRice之觀點。)