漫花燈火 OMG (已結業)

大角咀呢個地方，鄰近旺角，但係地方比較遠，自成一角，最近聽朋友講有間新開嘅萬花筒主題餐廳，影相仲好靚添。一入到去真係好有紙醉金迷嘅感覺，環境好色彩繽紛，好似置身係一個萬花筒當中，真係勾起大家嘅少女心瘋狂影相打卡。連餐具都別出心裁，配合餐廳顏色繽紛嘅主題。芝士黑松露薯條一上枱冇諗過份量咁足，個面舖滿大量黑松露同芝士，聞起上嚟已經香噴噴。芝士仲可以拉絲添。法式大頭蝦占米多大蝦切粒配以磨菇汁炒香，蝦肉爽口彈牙，而且有濃郁嘅蝦膏香味，配埋烘到脆卜卜既麵包食，索晒啲醬汁。黑松露麵包蟹意大利飯本身餐牌上係配黑魚籽既，不過去當日因為黑魚籽未有貨所以轉左黑松露，好彩一樣咁好食。意大利飯煮得啱啱好，啖啖食到蟹肉嘅鮮甜味。