131
13
1
港鐵奧運站 B 出口, 步行約6分鐘 繼續閱讀
開飯介紹
餐廳的設計以各種顏色、不同花朵、切角鏡面為主題,令顧客仿如置身於萬花筒的繽紛世界內。 萬花筒於希臘文中有著美麗的意思,由繁華鬧市穿過萬花筒走廊直到漫天花海,盡情享受一個恬靜閒適的空間。 以法式為主導的西餐廳,期望以每道菜式、每款飲品、甜品及環境為每位客人的味蕾及視覺帶來新的衝擊。 繼續閱讀
營業時間
*午餐最後下單時間: 16:00 晚餐最後下單時間: 21:30
星期一至日
12:00 - 17:30
18:00 - 22:30
付款方式
Visa Master AlipayHK 支付寶 現金 AE 銀聯 微信支付
座位數目
40
其他資料
切餅費
電話訂座
外賣服務
加一服務費
當面支付
食評 (155)
最近,聽好友講,位於大角咀晏架街香港西九龍絲麗酒店1樓的餐廳 <漫花燈火 OMG> 已結業! <漫花燈火 OMG> 是一間令人可以盡情打卡的萬花筒主題餐廳! 所以,在 3 月頭,我就一於約好友來這裡, COVID-19 新型冠狀病毒肺炎疫情之下,慶祝找到新工!恰巧!當時 3 月,西九龍絲麗酒店外牆裝修,趁尚未天黑,我便先找找,看到 Google map,我應該在附近,卻是找不到外牆粉紅色的酒店,於是問一問大角咀街坊,原來我已經到了對面,是酒店外牆裝修,圍上綠色網!當晚,跟好友火鍋晚餐後,我帶他走到餐廳所在地!其實!晚上走到這條屬於工廠區的晏架街,已經水靜河飛! 單是看到酒店外面,已經令人卻步! 圍板的入口,好似給人賣豬仔的感覺呢! 只見到有張椅子,保安員剛剛行開了,搭 lift 上一層,部 lift 又滿佈木板,猶如走入一個裝修中地盤!當我們踏進餐廳,絕對別有洞天!  除了地板鋪滿迷你彩色磚仔之外,天花板、四周圍也充滿三角形的鏡子、地下好似七巧遇板的圖案,拼砌而成,令人勾起童年回憶!自己猶如走進一個巨型萬花筒中,視覺效果特別又驚喜! 粉紅色的餐椅給人更夢幻的感覺!就算當時尚未實施限聚令,空間感亦算充裕! 桌子上備有色彩繽紛的餐具及消毒濕紙巾之外,還有餐廳自家製的萬花筒,好讓食客享受看萬花筒圖案千變萬化的樂趣!由於我提早好幾天上 Openrice app booking,當日中午,店方已直接致電給我確認 Booking,並提醒我用餐時間 1.5小時,我亦問一問店方最低消費?!要 $150 每人!落單前,我們再問多次店員,最低消費要幾錢?!要 $150 每人!好友聽見,他認為 COVID-19 新型冠狀病毒肺炎疫情之下,餐廳竟然要求最低消費!!! 換言之,焗住每人至少要點兩樣嘢啦!為了保障食客及店員健康著想,每位入座的食客要先被店員量體溫,無問題才可安排入座!非常認真!西柚蘋果梳打 (少冰) $52西柚本身的酸澀,混合蘋果的酸甜,味道酸甜而清新! 亦都冰涼解渴!關你賓治 $68其實是雜果賓治!口味偏甜,比較我那杯,味道明顯較濃!至於甜品方面,我經 Openrice app 訂座時,已註明慶祝找到新工!我還打算給好友一個驚喜!怎料!店方完全弄錯了! 女店員向好友說聲:生日快樂! 並送上註明英文生日快樂的甜品!在確認電話中店員問我是否需要在甜品中加上?我已要求跟我註明的文字加上!完全犯上低級錯誤!好友見狀眼定定!我覺得 O 嘴又一臉尷尬! 我心想 Oh my God! (跟店名一樣 OMG!) 當我正準備找店員更碟上正字眼時,轉頭,女店員即刻走過來補鑊,話攪錯咗!由於,不同甜品選用不同器皿或碟子盛載,因此,未必每款甜品可以加字!落單後,隨即店員已通知原先我想點的甜品 "開啟潘朵拉的盒子" 已售罄! 另外,黑色碟子的甜品不能加字!森林和原野 $158芳香鬆軟的抹茶海綿蛋糕,茶味清香,甜度剛好,整體不算甜膩!啡色圓球狀的是朱古力雪糕表面灑上朱古力,令其無咁快融化!況且,抹茶蛋糕蘸上朱古力雪糕,別有一番滋味呢! 兩者也做到好朋友!如果唔係免費加字的話,單以抹茶海綿蛋糕配雪糕而已,其實性價比都低!阿菠蘿13 $108這是以原半個菠蘿盛載的菠蘿雪葩,  富有菠蘿的果香甜!清新健康!他唯一擔心的就是菠蘿會否重用?想再幫襯,恐怕無機會嘞!除非店子開新店! 繼續閱讀
等級4 2020-03-28
131 瀏覽
生日,朋友帶咗我嚟呢間店大廈仲做緊裝修,但一出lift個反差真係令人好驚喜入面完全係夢幻令你嘅少女心都出曬嚟香煎日本帶子配黑松露意粉黑松露愛好者嘅我,去到邊見到有黑松露嘅食物都一定會點,今次要試下呢間店嘅黑松露帶子意粉係咪內外兼備先😜大大粒嘅帶子有3 粒,鮮味爽口,用料新鮮~意粉每條都有濃濃黑松露味夠彈牙😆值得一讚係黑松露味激濃激重,鐘意黑松露嘅你,一定要試!潘朵拉的盒子一睇甜品嘅外表就知潘朵拉的盒子係呢間店嘅主打😄 紅莓撻外面有糖漿製造嘅玻璃蓋住, 想食要用小木槌子敲碎😜好玩又好食!雖然玻璃蓋用糖漿整,但配紅莓撻一流!紅莓撻酸酸甜甜,配糖漿係好適合😆係碟上有寫上happy birthday, 店員仲會送上花環比壽星女,如果慶祝生日真係唔錯嘅地方!荔枝樹上的彩虹荔枝樹上的彩虹就係有汽嘅荔枝汽水,配七彩珠珠,係好靚!但味道就較普通,有啲似荔枝啫喱😆反而杯latte唔錯,好濃好香咖啡,咖啡夠滑 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-10
1346 瀏覽
有日女友玩手機, 突然間話要去哩到打咭, 話超正!個心即刻寒一寒, 之后冷震由心裡面震出嚟.....女友係小熊維尼一級粉絲, 心諗又唔知邊到有維尼展, 又出血.....之后佢俾我睇, 原來佢D朋友去哩間叫漫花燈火嘅餐廳打咭, 佢又心思思想去....好好好!唔係去維尼展, 無問題!首先餐廳服務好細心, 係疫情爆發以嚟我第一次去餐廳要度体溫, 相信餐廳都想自己同食客幫襯得安心吧.餐廳門面設計有極強烈萬花筒感覺, 再步入餐廳, 頭頂掛滿八種顏色嘅花, 四周圍環境亦色彩繽紛.由一踏入餐廳以至坐底枱上使用嘅杯杯碟碟, 都被人一種彩到似童話感覺.帶女朋友嚟一流!喂喂喂..... 落咗單先打咭啦好嘛!點咗大啡菇二重奏, 慢煮豬鞍同黑菘露帶子意粉.沙冰係我飲品中最愛, 叫咗杯熱情果芒果橙沙冰, 荔枝芒果乳酪沙冰.好怕食粗身意粉, 眼前嚫意大利粉用上幼身款式, 但又未至於天使麵噤幼, 入口彈牙而且強烈黑菘露味, 滿意.另外帶子無切開一半偷工減料! 原粒上枱,味道鮮甜.雖然潮流興慢煮, 查實自己好少食慢煮食品, 首先豬鞍夠厚身,另外由於所落醃料唔多, 令肉味更加重, 口感極軟多汁juicy, 我中意重味, 所以會點上餐廳提供嘅燒汁, 令豬鞍更惹味.曾經試過幾次飲沙冰, 未飲哂居然會變形, 變為水係上層果汁係底分開咗, 相信其中一個原因係偷工減料溝好多水啦.今次第一嚟到上枱嘅唔係頭盤唔係意粉, 係兩杯沙冰,兩杯沙冰由頭食到尾, 完全無變形, 我只係飲熱情果芒果橙沙冰, 飲到底味道都好濃,至於味道就好複雜, 三種味同時入口, 有時先嚟個橙色再嚟芒果味, 有時就掉翻轉! 總之就好攪鬼好複雜!食完之后女友馬上攞住隻維尼公仔四圍打咭, 我被冷落一旁.....唉...... 繼續閱讀
(以上食評乃用戶個人意見 , 並不代表OpenRice之觀點。)
最近較少外出用餐,看著照片便發現很多餐廳還未分享,這次來分享一下這間漫花燈火。因為看了朋友的照片,未去已經期待著,一進去便已經被吸引,好像去了另一個世界一般,很色彩繽紛很夢幻,真的是打卡拍照的好地方。而每桌都會有一個萬花筒,在萬花筒下,餐廳和食物都變得更美更特別。OMG啡菇二重奏 $108芝士焗蟹肉大啡菇及芝士肉醬大啡菇各一隻,真的很大隻,而且厚肉又juicy。芝士焗蟹肉大啡菇的蟹肉份量不少,芝味濃郁又不會太搶味。芝士肉醬大啡菇的番茄肉醬甜中帶微酸,和香軟芝士也很配。香煎日本帶子配黑松露忌廉意大利粉 $168一送上來便聞到淡淡黑松露香,帶子煎得剛好,夠香又不會過熟。意粉的軟硬度適中,醬汁也能均勻地掛在意粉上,入口重忌廉香但不會太膩。開啟潘朵拉盒子(限量供應) $168真的是視覺系甜品,賣相精緻吸引,而且打破糖製的玻璃罩,感覺真的很治癒。重點是它不只有外貌,也有內涵,面層有清甜士多啤梨和藍莓,然後是輕輕燒過、香甜有彈性的棉花糖,中間是雪葩口感的桑莓果醬層,再加上薄脆的批低,真是這餐一個完美的句點。 繼續閱讀
(以上食評乃用戶個人意見 , 並不代表OpenRice之觀點。)