莆田 (PopCorn 2)

營業中

休息中

上次食完下午茶之後覺得感覺幾好所以今次再黎食晚飯！估唔到平日晚都咁多人喎，三個人既卡位都等左成半個鐘有多，好彩大家都住係附近，食夜少少都無問題！成餐飯最難忘係呢個鐵板聖子。夾個時少少麻煩，有一兩隻會痴住左要係咁篤篤篤。個海鹽味同個聖子好夾！好突出到好fresh既味道，亦唔會太鹹！加上佢係鐵板既，令個聖子肉有少少烤味！另一個好impressive既菜就係呢個炒米粉！個米粉雖然好幼，但好有口感！上面有d酸酸地既紫菜，好開胃！加埋花生，菜，蜆肉同蝦，個米粉口感真係好好！最正既係加佢個辣醬食！