影片
更多
2021-10-12
784 瀏覽
海港城開左呢間火鍋店，佢嘅門店裝修好吸引到我，個樣好有特色！經過都會忍唔住望2眼！佢除左有午餐，晚餐之外，仲有下午茶！！佢個下午茶set 同西式hightea 一樣，有個3層的點心塔，仲要有埋茶同甜品。2個人食嘅下午茶份量好足！可以黎一個另類嘅happy hour!除左有吸睛嘅門面，內部裝潢都好有心機， 再配一個大海景，夠晒特別！再介紹埋枱上面嘅窿窿大盤，佢唔知係一個裝飾更加係用嚟放打邊爐嘅煲，而佢唔係用電子爐，真係有火喺下面而且係超熱添！即時開着冷氣一路食都感受到個爐嘅高溫直頭似係對住個火BBQ緊！真係火力十足~~~~~~~~~~~~~~~~~~~~~~🔷午後百艷套餐（二人份）$580呢個下午茶包括左：湯底，三層高嘅配茶架，第一層係肉類（牛舌，墨魚同豬頸肉），第二層有五款創意料理，第三層係蔬菜拼盤，仲有花茶同甜品。湯底主要係麻辣湯或者係豬骨湯， 兩個湯底都會有鴨血同豆腐，而選擇餐牌上其他湯底或者係鴛鴦鍋都要額外加$100.因為屋企人唔太食得辣我就揀咗豬骨湯，豬骨湯非常之清甜，睇到湯用左好多配料去煲，我屋企人每個都讚，又係咁不停係拎黎飲！第一層肉類：三款肉都好新鮮而且爽口彈牙，我自己特
佢除左有午餐，晚餐之外，仲有下午茶！！
佢個下午茶set 同西式hightea 一樣，有個3層的點心塔，仲要有埋茶同甜品。2個人食嘅下午茶份量好足！可以黎一個另類嘅happy hour!
除左有吸睛嘅門面，內部裝潢都好有心機， 再配一個大海景，夠晒特別！再介紹埋枱上面嘅窿窿大盤，佢唔知係一個裝飾更加係用嚟放打邊爐嘅煲，而佢唔係用電子爐，真係有火喺下面而且係超熱添！即時開着冷氣一路食都感受到個爐嘅高溫直頭似係對住個火BBQ緊！真係火力十足
~~~~~~~~~~~~~~~~~~~~~~
🔷午後百艷套餐（二人份）$580
呢個下午茶包括左：湯底，三層高嘅配茶架，第一層係肉類（牛舌，墨魚同豬頸肉），第二層有五款創意料理，第三層係蔬菜拼盤，仲有花茶同甜品。
湯底主要係麻辣湯或者係豬骨湯， 兩個湯底都會有鴨血同豆腐，而選擇餐牌上其他湯底或者係鴛鴦鍋都要額外加$100.
因為屋企人唔太食得辣我就揀咗豬骨湯，豬骨湯非常之清甜，睇到湯用左好多配料去煲，我屋企人每個都讚，又係咁不停係拎黎飲！
第一層肉類：三款肉都好新鮮而且爽口彈牙，我自己特別欣賞嘅係牛舌因為佢切得夠薄而且煮起上嚟一啲都唔會老！侍應會好細心介紹每款食物嘅建議烚時間！
第二層創意料理：喺五款入邊我最鍾意嘅係菠菠糖同埋牛轧，菠菠糖係全素，用芝麻葉做卷物都幾新鮮，而月餅係蘿蔔糕咁嘅質感，煮落好易融，二鳳梨酥，鹹鹹甜甜咁唔太似啱打邊爐，另外糖葫蘆建議最後先落，因為佢嘅糖表面係會溶晒喺個湯底度。
第三層蔬菜：蔬菜種類有好多而且都幾新鮮，特別欣賞係啡色茶菇，好鮮甜，而且喺出面比較少會叫到呢一款菜
而甜品呢，經常會轉變唔同嘅口味，我今次食到嘅係一個紫薯撻，紫薯一啲都唔甜而且佢嘅餅底非常之鬆脆配搭起上嚟唔會覺得太濟。
🔷 寬巷子水果茶 $128
配打邊爐就十分好，夠凍甜甜地不會太酸，一開始有少少甜，冰溶後，就甜度剛剛好！而且佢寫明有1.3L, 叫後黎一齊share 就岩岩好啦！
🔷手握壽司滑
驟眼睇真係以為壽司，但其實飯團部份係以花枝，海蝦等打漿而成，牛肉滑仲加左馬蹄增添口感，而上面既刺身就有鮮蝦、鮑魚、豚肉＆牛肉，賣相同創意絕對滿分，味道亦都不錯，而且煮完都仲keep到個外型，唔會散晒！
🔷綜合肉類盛
有豬頸肉，豬肉片同埋羊肉。係三個款嘅肉中，我屋企人最欣賞嘅係羊肉，而我自己覺得唔太特別但係肉類係非常新鮮。
🔷枝仔冰
用米紙包住墨魚滑，我自己覺得一般，因為米紙好快就郁咗只係食到入面嘅墨魚滑，相比起其他嘅菜式，佢比較失色
🔷滷香大腸頭
用秘制滷水汁，只要放入鍋加熱返就可以，食到新鮮爽口有口感，好有台式風味，十分建議加配！
總括，野食係幾特別，而且個裝修，景色一流，下午茶係OK 嘅，但晚餐就唔多抵啦，如果有慶祝活動揀呢度都不錯嘅。
~~~~~~~~~~~~~~~~~~~~~~~~
👅味道 🌕🌕🌕🌗🌑
🌻環境 🌕🌕🌕🌕🌑
🐋服務 🌕🌕🌕🌕🌑
👛抵食 🌕🌕🌕🌑🌑
🔄回頭率 35%
~~~~~~~~~~~~~~~~~~~~~~~~
📍 寬巷子 (尖沙咀)
尖沙咀廣東道3-27號海港城海運大廈地下OT G57號舖
📞 31882840
張貼
