The Farmhouse 咖啡廳 (裝修中)

今日黎到位於維港凱悅酒店嘅The Farmhouse食自助晚餐，呢間酒店其實都係開咗冇耐咋，我一直都好想嚟試吓呢度自助餐嘅質素，今日終於抽到時間。最近佢哋做緊拉丁美洲主題嘅自助晚餐， 除咗一般嘅食物之外，仲有阿根廷嘅街頭小食，巴西烤肉，同各款特式甜品等等。凍盤有波士頓龍蝦，青口，鮮蝦等等，全部都係香港人嘅至愛。波士頓龍蝦肉質彈牙，仲啖啖肉添。仲有凍芝士，凍肉腸，凍沙律等等，都真係非常之多選擇。烤肉有巴西同阿根廷燒烤，包括烤牛里脊肉，羊肉，烤雞，菠蘿等等，配上特色醬汁，真係好正主食主食方面有安格斯牛扒，各款串燒，叉燒，同各款燒味等等，都真係幾多選擇㗎。我自己就最鍾意牛扒，又大塊又香牛肉味。另外，串燒都幾特別㗎，有豬肉腿，帶子，虎蝦等等，串燒唔會燒得太過火，仲有好多肉汁。甜品當然唔少得雪糕啦，有抹茶，薑撞奶，提拉米蘇等等特色嘅味道，款款味道都唔錯。有聖安娜蛋糕，朱古力撻，朱古力布朗尼等等，每款嘅質素都唔錯。整體來講，今餐嘅食物質素真係非常之好，以自助餐來講每款食物嘅水準都算唔錯，仲好多款選擇。📍The Farmhouse 咖啡廳 (北角)北角北角邨里1號香港維港凱悅尚萃酒店西座2樓#北角美