影片
更多
2016-02-06
1709 瀏覽
下著毛毛細雨的晚上，同朋友係尖沙咀行緊街，又係時候揾食，見宏係openrice排行榜中十大，自己又係綠茶控，就一於黎朝聖一下。點完餐四圍望下先～好大時尚感嘅天花燈仲有好吸晴嘅紫色和服煙三文魚海藻烏冬 包括沙律、卷物、蛋卷、餐飲先食烏冬，是晚選的是冷烏冬，烏冬混入海藻，感覺天然健康，食落味道清新，滑口彈牙，醬汁是清淡嘅冷麵豉油，味道鮮甜不會搶走烏冬嘅海藻味，上面加了紫蘇葉絲，好香，增加味覺同口感，一絲嘅點綴令整個烏冬美味道提升數倍。卷物同沙律，味道一般無驚喜，但增加飽肚感，同令顧客覺得更加抵食，這一點很重要，至少我覺得套餐價$99有咁多野食仲包甜品真係好抵。京燒銀鱈魚飯套餐 包括海藻烏冬、沙律、小蛋卷、餐飲銀鱈魚燒得勁香，魚肉好嫩滑，醬汁同芝麻好香好好味。湯烏冬，同樣彈牙，湯底清甜，冷熱一樣咁正。跟套餐送嘅蛋卷，綠茶味濃，香草甜滑，兩者各有各特色，同樣好味！宇治抹茶奶同伯爵紅茶，抹茶奶雖細杯，但綠茶味超級濃，奶亦香滑，好正好正。伯爵茶味亦不錯，好香，杯細茶濃，可添加一次熱水就好了。抹茶芭菲有點意猶未盡再追加甜品，抹茶芭菲賣相精緻，有六層不同食材帶來不同口感，其綠茶味真的十分強，中間的cr
點完餐四圍望下先～
好大時尚感嘅天花燈
仲有好吸晴嘅紫色和服
煙三文魚海藻烏冬 包括沙律、卷物、蛋卷、餐飲
先食烏冬，是晚選的是冷烏冬，烏冬混入海藻，感覺天然健康，食落味道清新，滑口彈牙，醬汁是清淡嘅冷麵豉油，味道鮮甜不會搶走烏冬嘅海藻味，上面加了紫蘇葉絲，好香，增加味覺同口感，一絲嘅點綴令整個烏冬美味道提升數倍。
卷物同沙律，味道一般無驚喜，但增加飽肚感，同令顧客覺得更加抵食，這一點很重要，至少我覺得套餐價$99有咁多野食仲包甜品真係好抵。
京燒銀鱈魚飯套餐 包括海藻烏冬、沙律、小蛋卷、餐飲
銀鱈魚燒得勁香，魚肉好嫩滑，醬汁同芝麻好香好好味。
湯烏冬，同樣彈牙，湯底清甜，冷熱一樣咁正。
跟套餐送嘅蛋卷，綠茶味濃，香草甜滑，兩者各有各特色，同樣好味！
宇治抹茶奶同伯爵紅茶，抹茶奶雖細杯，但綠茶味超級濃，奶亦香滑，好正好正。伯爵茶味亦不錯，好香，杯細茶濃，可添加一次熱水就好了。
抹茶芭菲有點意猶未盡再追加甜品，抹茶芭菲賣相精緻，有六層不同食材帶來不同口感，其綠茶味真的十分強，中間的cream又香又滑，入面有蛋糕，餅乾碎等，有咬口得黎又無咁膩。
抹茶窩夫 配日本抹茶雪糕、栗子蓉、抹茶曲奇窩夫厚實，啖啖都有茶香，即使唔點醬都好好味，加埋吸左半滆嘅綠茶雪糕，真係無得彈，正。
埋單，要注意係用餐時間九十分鐘吖～
張貼
