雪山冰廳

營業中

休息中

難得夜晚不需要加班，朋友又肯來自己屋企附近聚一聚，近近地去了雪山冰廳食好嘢！一間由1956年開始經營的餐廳可以屹立不倒，餐廳食物水準一定要保持得到，當然還有良好的服務態度。招牌海南雞飯講到明係招牌，一定唔會失望！完美的海南雞，該是不太肥不太瘦，不完全熟透。這間冰廳廚師的工夫做到很好，雞肉剛剛好熟，雞皮的脂不油膩。油飯是海南雞飯的精髓，這碗飯充滿獨特的香氣，食完一碗可以再食一碗！另外旁邊的配菜腌蘿白也很好吃，酸酸的也可以中和雞油脂肪的感覺。經典芝蛋牛肉漢堡包朋友係一個漢堡包愛好者，充滿芝麻的漢堡包，裏面的蛋汁切開咗流曬出來，牛肉漢堡仲係好juicy，兩者混合埋半融的芝士，這個邪惡的配搭，減肥都遲d先算！避風塘式炸雞髀生炸雞髀唔係度度都有得食，個皮炸到金黃色，裏面的肉依然嫩滑。面頭的辣粉其實有種熱浪的味道，辣辣地將雞肉的味道升華到另一個層次，一定不要錯過。最後叫多左一碟上湯浸時蔬，仲有兩個燉湯。燉湯好足料，清得黎但又有曬食材的精華，冬天飲就最啱，夠曬滋潤，為呢餐朋友聚餐畫上完美的句號。