影片
更多
2025-06-13
1645 瀏覽
哈日食力組組員話帶我去試新嘢，就係呢間主打壽喜燒嘅新餐廳。見到門口嘅食物照已知大概提供咩類型食物選擇。日系木色為主要裝飾，兩邊設有卡位，枱上設有兩電爐。先叫咗兩款刺身，有限量供應嘅三文魚腩刺身 ($58)及吞拿魚赤身刺身 ($78)，分別都係三切。先食赤身，帶點厚度，口感鬆軟，無食到筋位，好食。而件三文魚腩確係食到肥美味道，滿足呀。之後到壽司出場，火灸系分別有火灸左口魚邊 ($38/2件)，火灸穴子 ($38/2件)及火灸鰻魚 ($38/2件)。左口魚邊經過火灸後，入口更食到魚油嘅香味; 穴子及鰻魚正常水準。仲有帝皇蟹棒壽司($24/2件)及拖羅蓉軍艦($38/2件)拖羅蓉綿滑加上脆紫菜，又另一種食法。新店開張，只需讚好餐廳FB/IG/小紅書，再影低食物照片上傳到社交平台再tag返餐廳，就可以有飲品請你飲。我得到嘅係鴨屎檸檬茶，夏天飲夠清爽。提供多款壽喜燒套餐，有來自鹿兒島及澳洲和牛，另有北海道豚肉，仲有得追加。點選鹿兒島A4黑毛和牛肩胛套餐 ($188)，餐牌介紹係油花較少及肉質香濃。包埋漬物前菜，蔬菜盛盒，日本蛋及烏冬。呢度係130g，有5片肉，肉色幾靚仔。有埋DIY教學用牛脂起鍋
見到門口嘅食物照已知大概提供咩類型食物選擇。
日系木色為主要裝飾，兩邊設有卡位，枱上設有兩電爐。
先叫咗兩款刺身，有限量供應嘅三文魚腩刺身 ($58)及吞拿魚赤身刺身 ($78)，分別都係三切。
先食赤身，帶點厚度，口感鬆軟，無食到筋位，好食。
而件三文魚腩確係食到肥美味道，滿足呀。
之後到壽司出場，火灸系分別有火灸左口魚邊 ($38/2件)，火灸穴子 ($38/2件)及火灸鰻魚 ($38/2件)。
左口魚邊經過火灸後，入口更食到魚油嘅香味; 穴子及鰻魚正常水準。
仲有帝皇蟹棒壽司($24/2件)及拖羅蓉軍艦($38/2件)
拖羅蓉綿滑加上脆紫菜，又另一種食法。
新店開張，只需讚好餐廳FB/IG/小紅書，再影低食物照片上傳到社交平台再tag返餐廳，就可以有飲品請你飲。
我得到嘅係鴨屎檸檬茶，夏天飲夠清爽。
提供多款壽喜燒套餐，有來自鹿兒島及澳洲和牛，另有北海道豚肉，仲有得追加。
點選鹿兒島A4黑毛和牛肩胛套餐 ($188)，餐牌介紹係油花較少及肉質香濃。包埋漬物前菜，蔬菜盛盒，日本蛋及烏冬。
呢度係130g，有5片肉，肉色幾靚仔。
有埋DIY教學
用牛脂起鍋再爆香洋蔥及大蔥，再放牛肉及壽喜燒汁
燒5-6秒然後沾蛋汁就食得。肉味果然幾濃，加埋蛋汁增加香滑度，唔錯。
之後再放埋蔬菜盛盒及烏冬，倒入鏗魚湯/壽喜燒汁，變成有菜有肉又有烏冬。
烏冬係軟滑口感，配合甜甜地嘅壽喜燒汁湯底，食晒都幾飽。
呢件北海道千層蛋糕都係獎賞，用黎做呢餐嘅甜品就岩晒。
想食熱有壽喜燒鍋，凍嘅有刺身壽司，價錢絶對係大眾化，仲要全日免收加一。
張貼
