影片
更多
2019-11-26
122 瀏覽
宜家餐廳追求的唔只味道，仲會追求打卡位。呢間位於大角咀的餐廳，絶對滿足到相機的胃口。漫花燈火位於西九龍絲麗酒店的一樓，無論係旺角定奥運站過去都好方便。一出電梯的右邊，呢個萬花筒打卡位，未食已經影100張相(笑)。行入餐廳內部，更加不得了！雲石枱、粉紅金椅、就連背景都一絲不苟。建議大家可以先落Order後再慢慢影。影完就可以嘆個意粉。香煎日本帶子配黑松露忌廉意大利粉。一份有四粒煎香的帶子，每粒唔算大。不過我最欣賞係帶有咬口的意粉口感，加埋唔太膩的忌廉汁。食肉獸可以選慢煮比利時杜洛克橄欖豬鞍，豬鞍經過慢煮後，肉質都幾嫩，如果可以更Juicy就會再好食D。此外，豬鞍都幾厚身，每口都係啖啖肉。放工後飲返一杯七彩繽紛的飲品，可以令心情變好哦！荔枝樹上的彩虹，係一杯荔枝味的有氣飲品，然後自行倒入七彩的爆珠，完全可以刺激味蕾，即時解渴。士多啤梨三重奏係一杯超夢幻的士多啤梨牛奶。係牛奶泡中放入一粒士多啤梨後再用士多啤梨牛奶倒係中間⋯ 然後神奇的魔術黎啦，D牛奶泡升高了！大家「做完實驗」後，再可以係奶泡上灑上美美的Sparkling。佢唔係得個樣架，味道都好香，而且士多啤梨味絶不「藥水」，係甜甜的幸福感
漫花燈火位於西九龍絲麗酒店的一樓，無論係旺角定奥運站過去都好方便。一出電梯的右邊，呢個萬花筒打卡位，未食已經影100張相(笑)。
行入餐廳內部，更加不得了！雲石枱、粉紅金椅、就連背景都一絲不苟。
建議大家可以先落Order後再慢慢影。影完就可以嘆個意粉。香煎日本帶子配黑松露忌廉意大利粉。一份有四粒煎香的帶子，每粒唔算大。不過我最欣賞係帶有咬口的意粉口感，加埋唔太膩的忌廉汁。
食肉獸可以選慢煮比利時杜洛克橄欖豬鞍，豬鞍經過慢煮後，肉質都幾嫩，如果可以更Juicy就會再好食D。
此外，豬鞍都幾厚身，每口都係啖啖肉。
放工後飲返一杯七彩繽紛的飲品，可以令心情變好哦！荔枝樹上的彩虹，係一杯荔枝味的有氣飲品，然後自行倒入七彩的爆珠，完全可以刺激味蕾，即時解渴。
士多啤梨三重奏係一杯超夢幻的士多啤梨牛奶。係牛奶泡中放入一粒士多啤梨後再用士多啤梨牛奶倒係中間⋯ 然後神奇的魔術黎啦，D牛奶泡升高了！
大家「做完實驗」後，再可以係奶泡上灑上美美的Sparkling。佢唔係得個樣架，味道都好香，而且士多啤梨味絶不「藥水」，係甜甜的幸福感。
係打卡的餐廳中，一碟IG-able的甜品係一定唔少得。甜品總是又靚又邪惡，就好似打開潘朵拉盒子般。
係一個紅莓達上，放了一個以糖膠做的「盒子」，大家只要用小木錘仔，將糖膠打碎就可以放係紅莓達上一齊享用。
除了有紅莓連啫喱外，仲有燒到半熔的綿花糖放面，完全滿足少女的心 (笑)
==============================
我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)
張貼
