發達叉燒

營業中

休息中

見到海量好評，慕名而來 ，滿心期待，真心估唔到可以咁差😱冇諗過食完嬲到要寫食評，所以一張相都冇影！首先，賣相非常一般，完全唔似得其他食評post出嚟嘅相咁吸引！叉燒肉質只能夠話正常，但完全冇味！唔單止係冇肉味，就連叉燒應該有嘅鹹鹹甜甜、炭燒蜜汁味都冇！碗例湯入面塊肉嘅味道仲好過舊叉燒！如果你阿媽成日話：「生嚿叉燒好過生你」，你就帶佢去試吓發達叉燒啦😂茅台雞肉質粗鞋，雞味當然欠奉，茅台味同醬油味都一樣係冇囉！都唔知自己食緊啲乜😒直到食埋鴛鴦腸，先知自己味蕾冇事！食到一半已經嬲到唔想再食落去，嘥晒我啲quota！一間絕對過譽嘅燒味店😡😡😡