響 - Hibiki 日本燒肉 (已結業)

這放題店標旁有海產是日本新鮮直送，咁頭盤梗係要食刺身啦，確實鮮味十足，大大件兼係厚切，好有口感。波士頓龍蝦很是肥美，夠兩個人就送一隻。不能無限re-order係今餐的美中不足，但明白一分錢一分貨，合理的。和牛燒肉也是這放題的主打，和牛真係唔同D，肉質細嫩好多，食落唔覺有根或有渣，而且牛肉味較慣常食的強好多。海蝦、青口等海產拿來燒烤也很美味，咬落亦會感受到 「因為新鮮所以肉質結實得黎帶點彈性」。除此外，經烤制的雞軟骨和牛舌，也不能錯過，一個嚼口一個爽口。天婦羅蟹棒勝在啖啖肉; 榴槤炸彈則味道極濃郁，啱晒嗜吃榴槤的我。糕點則只有兩款，款式略少。幸好，有雪糕補番條數。除一般罐裝飲品，還提供梅酒、紅白酒。整體而言，這放題收費略高於一般放題，計及食材來源和質素，則算係抵食。差無幾，我prefer呢間多d。