影片
更多
2022-09-28
34 瀏覽
嚟到觀塘呢個美食集中地，突然之間想食啲台灣嘢，等味蕾去一去轉旅行，就去咗試呢間cp值極高嘅《壹.01》台式料理💞餐廳位於中海日升中心2樓，裝修好有家庭式簡潔嘅感覺💯 份外親切～望下menu有好多唔同嘅選擇，映入眼簾嘅都係舊時去台灣旅行時見慣見熟嘅地道台式菜式，有飯有小食有台式飲品。再望吓價錢發覺都好抵食🙈 特別係佢啲小食多數都係十幾蚊就可以試到，啱曬budget有限但係想試多啲嘢嘅朋友✨1. 壹.01芒果魯肉飯係比較新穎嘅配搭🥰 亦係佢哋飯類嘅主打，一碗飯入面有齊魯肉、酸菜、菜脯、肉燥，魯肉及肉燥十分入味，而中間嘅清甜嘅芒果肉畫龍點睛地化解開魯肉嘅油膩感，所以就算食曬成碗咁大嘅魯肉飯都唔覺得漏，仲要食越開胃添💦2. 蜜汁厚切排骨，同樣係抵食之選👍成件排骨切都整整齊齊，塞滿曬成個碟🤭感覺好澎湃🤪 排骨炸得好香脆，個脆漿嘅厚薄啱啱好🤏 外面仲掃咗一層薄薄嘅蜜糖，鹹甜嘅感覺十分滋味🤭3. 牛肉汁煮風琴豆腐，呢個真係要推介，風琴豆腐索曬啲牛肉汁嘅油脂同香濃感覺，每咬一啖都會喺口腔必啲汁出嚟，重點係價錢極平‼️4. 熔岩蛋之戀（即係拉絲芝士火腿蛋餅）蛋餅一上檯熱辣辣好大份，個皮有少少彈而口感軟熟，
嚟到觀塘呢個美食集中地，突然之間想食啲台灣嘢，等味蕾去一去轉旅行，就去咗試呢間cp值極高嘅《壹.01》台式料理💞
餐廳位於中海日升中心2樓，裝修好有家庭式簡潔嘅感覺💯 份外親切～望下menu有好多唔同嘅選擇，映入眼簾嘅都係舊時去台灣旅行時見慣見熟嘅地道台式菜式，有飯有小食有台式飲品。再望吓價錢發覺都好抵食🙈 特別係佢啲小食多數都係十幾蚊就可以試到，啱曬budget有限但係想試多啲嘢嘅朋友✨
1. 壹.01芒果魯肉飯係比較新穎嘅配搭🥰 亦係佢哋飯類嘅主打，一碗飯入面有齊魯肉、酸菜、菜脯、肉燥，魯肉及肉燥十分入味，而中間嘅清甜嘅芒果肉畫龍點睛地化解開魯肉嘅油膩感，所以就算食曬成碗咁大嘅魯肉飯都唔覺得漏，仲要食越開胃添💦
2. 蜜汁厚切排骨，同樣係抵食之選👍成件排骨切都整整齊齊，塞滿曬成個碟🤭感覺好澎湃🤪 排骨炸得好香脆，個脆漿嘅厚薄啱啱好🤏 外面仲掃咗一層薄薄嘅蜜糖，鹹甜嘅感覺十分滋味🤭
3. 牛肉汁煮風琴豆腐，呢個真係要推介，風琴豆腐索曬啲牛肉汁嘅油脂同香濃感覺，每咬一啖都會喺口腔必啲汁出嚟，重點係價錢極平‼️
4. 熔岩蛋之戀（即係拉絲芝士火腿蛋餅）蛋餅一上檯熱辣辣好大份，個皮有少少彈而口感軟熟，入面就包住火腿芝士～🧀輕輕夾起蛋餅，半熔嘅芝士就會好纏綿咁拉絲🙈 而且蛋餅面頭淋上千島醬，十分開胃嘅呢✔️
5. 台式夜市小食拼盤，超級抵食之選！一個拼盤就有齊鹽酥雞、台灣腸同埋花枝丸，啱曬有選擇困難症嘅人士～花枝丸好大粒，炸得好酥脆，食落爽口彈牙，出面重滲咗啲調味粉好惹味😚鹽酥雞炸得好脆身一啲都唔油膩，台灣腸有少少蜜糖甜甜哋好好味，成個併盤份量亦都唔少😆 眼見餐廳入面都好多食客叫呢個～
飲品1. 零冰手作芋頭鮮奶
用上澳洲嘅新鮮牛奶，口感香濃滑順！而芋泥質感綿密，Feel到啖啖都係心機～利用飲管將底層嘅全手作芋泥同鮮奶一齊吸啜上嚟，好有幸福嘅感覺🌸
2. 雙檸冬瓜茶
顧名思義係用咗新鮮嘅黃檸加青檸沖成嘅冬瓜茶，飲落好清涼，仲有滿滿嘅台灣味，好似飛咗去台灣咁，加上有得畀我哋揀小甜/小冰等等，十分貼心🙇🏻
**疫情期間相信大家都好掛住台灣，呢間餐廳嘅食物我覺得絕對係水準之上，重點係價錢一啲都唔貴，分量又夠多🥳大家嚟開觀塘，希望印象唔再只係得塞車，仲會記得《壹.01》，真係誠意推介🙆
張貼
