翠韻軒 (已結業)

由於白金AE優惠，所以選擇呢間餐廳，一向以來美心集團嘅餐廳嘢食我都覺得唔差，只係衰在服務態度上。果然今次都唔例外⋯⋯登記完上3樓無人迎接，要再去另一個入口搵人帶位，坐下良久先搵到人落單，兩人用餐點了四個小菜，忽然發覺半小時過後仍未有嘢食，追完單後先print單比我地，無耐就有嘢食，明顯當初無落單啦。最先到嘅胡椒包，熱辣辣，濃烈嘅胡椒味，好香口，好味。蝦球，都好味，爽口彈牙嘅蝦肉，唔會有覺得係雪藏蝦。本以為會蜜鱔會有好多細骨，意外地一條骨都沒有，好味，蜜汁唔會太甜。山藥炒蘆筍，清淡得嚟唔會太淡，山藥和籚筍都好爽口。最後本打算叫甜品，無耐又係搵極人都無人落單，應該因為有人擺酒關係，導致人手不足。結果甜品都唔食啦，決定埋單，比埋AE卡佢都等咗10幾分鐘。總括嚟講都係食物唔差嘅，但係不論地區，職員服務態度都實在太差！