去滾

營業中

休息中

成個肺炎期間都冇打過邊爐，終於忍唔住去咗銅鑼灣嘅去滾打返次先。朋友唔食辣嘅關係，湯底叫左比較濃嘅蕃茄薯仔湯底，湯底係好濃郁嘅蕃茄紅色，裏面仲有好多舊粟米。叫咗個二人套餐，前菜係一人一粒酥炸龍蝦球，外面炸得好脆，裏面夠彈牙。海鮮拼盤有沙白，大蚌同埋帆立貝，另外仲有四隻蝦，食落都幾新鮮，而且都洗得乾淨，咬落冇沙。另外仲有一人一條蟹柳同埋一人一舊鮮蝦雲吞，鮮蝦雲吞一啖一粒，裏面隻蝦都好彈牙。除咗上面嘅嘢食之外另外仲有個蔬菜拼盤，有唐生菜，粟米同埋芋頭，芋頭打邊爐有幾好食，質地好粉又夠味。呢個餐食咗$1200度，野食都新鮮，但份量可以多d。