小蓉麵家

營業中

休息中

媽媽打電話來話Daddy 約左人唔返屋企食飯， 我就乖囡上身叫佢落樓下食唔好煮了，去左食雲吞麵。 依間新車仔麵裝修幾靚， menu同傳統麵店的一樣， 我點的係牛筋麵， 牛筋十分入味， 剪到細細容易咬，唔洗咬到牙較攰，好多葱，令碗麵都好香。 媽咪嗰碗係京都肉醬撈麵，佢話都幾油下， 但用料十足，好夠餸，甜甜地幾好味，麵質彈牙！ 炸雲吞好香脆， 蝦同瘦肉夠彈牙， 點的係泰式甜酸醬，大家都鍾意。 有我至愛的Zero! 麵食都係三十蚊左右，幾抵食，又有小食選，唔鍾意食麵可以選飯呢，乾乾淨淨簡單舒服食一餐。