FireBird

營業中

休息中

成日經過見到入面都好想試，終於約到朋友去食啦！一坐底就見到隔離起左個火燒肉，好震撼！不過因為佢有太多野想食所以無嗌果個，叫左溫泉蛋慢煮雞肉凱撒沙律，慢煮過既雞肉肉質好嫩，雖然好大碟但一陣就清左～明太子伴玉子燒好嫩滑，底有清甜既高湯，再加上微辣既明太子，味道層次好豐富。叫左個好特別既壽司卷，最上層有炸過既蘿蔔同蔥，帶出甜甜既味道，芥末醬既辛辣味好衝擊性，但本體鮭魚卷既味道無被蓋過，各種味道加埋反而好平衡。店家另一個招牌就係日本產霜降A4和牛，和牛上面啲雪花超靚，烚兩下已經粉嫩粉嫩，油脂剛剛好，又唔會太油膩，配埋烏冬好滿足。免治雞肉棒外脆內軟，外層燒到好脆，入面雞肉好嫩好多汁，仲有雞軟骨增加爽脆口感，最後配上超濃郁蛋黃，簡直係極品。手切牛舌厚度適中，口感彈牙，加上一點點既鹽，送酒一流。