影片
更多
2020-04-23
393 瀏覽
又到左支持黃店時間！素食餐廳已經唔多，又素又黃隨時真係一隻手數得哂。第二次黎幫襯，因為一早book定位所以好快有得安排入座。坐低之後店員即刻遞左兩張餐巾比我地，用黎放住個口罩，真係好貼心。上次黎已經好想試既日式定食，今日終於試到，一拎上黎發現都幾大堆頭。個烏冬唔係平時粗身果啲，係扁平又比較彈牙，幾好食。配菜個薯餅係凍既，要減返少少分，炸物要熱辣辣先好食架嘛！個紫薯仔都幾得意，似係人手將啲薯蓉搓到變返粒紫薯仔咁既樣，甜甜地幾好味。第二次黎encore左個冬蔭公飯，依然覺得好味。雖然個飯係vegan冇蛋奶，但唔知點解都食到啖啖奶香味，好神奇。睇佢地ig似乎黎緊會開分店，喺疫情下都仲可以開到分店，實在厲害，唔知分店會唔會都係素店呢！
上次黎已經好想試既日式定食，今日終於試到，一拎上黎發現都幾大堆頭。個烏冬唔係平時粗身果啲，係扁平又比較彈牙，幾好食。配菜個薯餅係凍既，要減返少少分，炸物要熱辣辣先好食架嘛！
個紫薯仔都幾得意，似係人手將啲薯蓉搓到變返粒紫薯仔咁既樣，甜甜地幾好味。
第二次黎encore左個冬蔭公飯，依然覺得好味。雖然個飯係vegan冇蛋奶，但唔知點解都食到啖啖奶香味，好神奇。
睇佢地ig似乎黎緊會開分店，喺疫情下都仲可以開到分店，實在厲害，唔知分店會唔會都係素店呢！
張貼
