11
0
0
等級4
呢排成日屈喺Office食外賣,食到悶,同事話不如出去堂食啦。本身我哋想去嗰間餐廳因為疫情關係,連午市都唔做,暫停營業😖。我哋即刻由青山道行番落去元州街搵嘢食,有諗過食加藤屋,但要等位。於是就去咗試隔離舖、由同一老闆經營嘅「素味牽」。老實講,我係一名食肉獸,之前同事多番苦苦哀求下,我都唔肯陪佢試🙈。哈,又邊諗到會喺咁嘅情況下食咗呢。實習女店員態度超好,絕對值得讚賞👍。每當有客人(包括我哋)喺門口睇餐牌之際,佢都會主動開門邀請客人幫襯。同時,佢全程保持禮貌,我問及食物詳情時,佢有唔清楚嘅地方會向廚房求證,唔係敷衍了事。餐廳環境好舒服,冷氣充足,加上而家有限二人一枱,座位超闊落。另外,裝修簡約,以白色同綠色為主色🌳,配合番食素嘅感覺。素菜款式可算係齋口唔齋心,不過都OK嘅,始終有時加啲創意同幻想力,確係會令食物好食啲😆。呢度連黯然銷魂飯都有!不過我哋叫咗嘅係素食套餐(兩餸飯餐)同撈米線。素食套餐($43),項目包括兩款菜式、白飯以及湯或熱特飲。素菜款式有8️⃣八款揀,並且會不定時轉換,基本上大部份菜式都有「肉」。套餐造型幾精美,餸菜同飯係分開上的,餸碟就一分為三格,幾款唔會撈埋一齊😉。白飯係可
更多
11 瀏覽
0 讚好
0 留言
呢排成日屈喺Office食外賣,食到悶,同事話不如出去堂食啦。本身我哋想去嗰間餐廳因為疫情關係,連午市都唔做,暫停營業😖。我哋即刻由青山道行番落去元州街搵嘢食,有諗過食加藤屋,但要等位。於是就去咗試隔離舖、由同一老闆經營嘅「素味牽」。老實講,我係一名食肉獸,之前同事多番苦苦哀求下,我都唔肯陪佢試🙈。哈,又邊諗到會喺咁嘅情況下食咗呢。
13 瀏覽
2 讚好
0 留言
實習女店員態度超好,絕對值得讚賞👍。每當有客人(包括我哋)喺門口睇餐牌之際,佢都會主動開門邀請客人幫襯。同時,佢全程保持禮貌,我問及食物詳情時,佢有唔清楚嘅地方會向廚房求證,唔係敷衍了事。
10 瀏覽
0 讚好
0 留言
餐廳環境好舒服,冷氣充足,加上而家有限二人一枱,座位超闊落。另外,裝修簡約,以白色同綠色為主色🌳,配合番食素嘅感覺。
60 瀏覽
0 讚好
0 留言
素菜款式可算係齋口唔齋心,不過都OK嘅,始終有時加啲創意同幻想力,確係會令食物好食啲😆。呢度連黯然銷魂飯都有!不過我哋叫咗嘅係素食套餐(兩餸飯餐)同撈米線。
33 瀏覽
0 讚好
0 留言
32 瀏覽
0 讚好
0 留言
素食套餐($43),項目包括兩款菜式、白飯以及湯或熱特飲。素菜款式有8️⃣八款揀,並且會不定時轉換,基本上大部份菜式都有「肉」。
素食套餐
$43
9 瀏覽
0 讚好
0 留言
套餐造型幾精美,餸菜同飯係分開上的,餸碟就一分為三格,幾款唔會撈埋一齊😉。白飯係可以添飯的,本身唔算細碗,但因為餸汁好食,所以先覺唔夠。
麻辣蘿蔔牛腩
11 瀏覽
0 讚好
0 留言
麻辣蘿蔔牛腩,佢個樣比真.牛腩更像真,就連🐮牛坑腩嘅一絲絲形態同塊筋膜都好似,「牛腩」應該係菇菌嚟,口感爽爽的,好好食。不過重中之中係啲蘿蔔同麻辣汁,蘿蔔由內到外都醃到入哂味、上哂色,而且又甜又無渣,好多餐廳都做唔到呢個效果!另外,🌶麻辣汁亦好鬼正,味道好濃郁,辣味啱啱好,夠出、但唔會搶喉🤤。
咕嚕肉
11 瀏覽
0 讚好
0 留言
咕嚕肉,呢個個樣就幾明顯係齋,因為睇得出啲「肉」應該係麵筋嚟,又有啲似素肉丸。咕嚕汁甜酸味適中,幾唔錯。不過「🐷咕嚕肉」無做到脆皮嘅效果就爭少少,而且只係得三色椒作伴菜,無菠蘿。所以整體而言,佢絕對係合格有餘,但仲有改進嘅空間!
本日精選炒菜
6 瀏覽
0 讚好
0 留言
本日精選炒菜(+$5),炒菜竟然要加錢,份量唔算多,得五、六條小棠菜🥦。味道正正常常啦。不過要加錢就始終覺得應該要特別啲,唔可以白烚或者蒜蓉炒咁簡單。
雜菜湯
5 瀏覽
0 讚好
0 留言
是日餐湯係雜菜湯,其實係番茄湯嚟🍅,味道偏酸,但應該唔係用茄膏開。蔬菜量唔算多,有薯仔同豆腐等。
意式香草雞麻香米線
$53
6 瀏覽
0 讚好
0 留言
意式香草雞麻香米線($53),呢個係拌米線來的。由於佢寫住係香草🌿,所以賣相同我想像的都算貼近,係白汁底。不過我就估唔到有炒蛋(幾滑幾香),而且亦無諗過「雞」係細細粒嘅「雞粒」。雞粒得五粒,份量少咗啲,但我都唔恨食,因為唔太啱我口味,外皮太硬;我懷疑佢根本就係一包包零食嗰啲齋雞粒嚟。
意式香草雞麻香米線
$53
12 瀏覽
0 讚好
0 留言
未撈匀之前,係見唔到啲米線同醬汁;不過一撈之下先發現原來咁多汁!醬汁係米黃色,以為係一般忌廉汁,因為話係香草;又或者帶有麻醬味,因為話係麻香。但我勢估唔到隻汁原來係咁勁麻味,麻辣個「麻」啊,超級無敵惹味😋,條脷維持住少少麻痺,但又可以繼續食。呢隻味道就係我尋尋覓覓要搵嘅麻辣味,辣度唔太高,可能因為有啲忌廉汁中和?再者,我最欣賞嘅地方就係夠重口味,我個人認為麻辣好食一定要夠鹹。米線偏幼身,煮得較有嚼勁,勁掛汁,好好食😍。
菊花圓肉杞子茶
5 瀏覽
0 讚好
0 留言
是日特飲係菊花圓肉杞子茶,凍飲要加$2。🌼菊花茶好冰涼消暑,飲落好清新,並唔會過甜。飲品真材實料,有勁多杞子同龍眼肉,餐牌仲介紹有好多功效添。我真係無諗過連飲品都係咁出色😳。
14 瀏覽
0 讚好
0 留言
點解要食素?就好似餐廳所講,可以有唔同嘅原因,包括愛護動物🐶、宗教信仰、關心健康、支持環保♻️或轉轉口味等。另外,我認為亦可以係為咗追尋好滋味而食素,原來齋都好好食㗎!
12 瀏覽
0 讚好
0 留言
總括嚟講,餐廳嘅出品係完全顛覆咗我對素菜嘅印象😱。其實我一向都知素菜唔等同齋食蔬菜咁單調,但好多時味道都會偏淡,而且唔同款都係咁上下口味。不過我認為呢度嘅素食直頭係好食過食肉,無肉不歡嘅我並無誇張呃你;再加上價錢相宜,絕對值得一試。
44 瀏覽
0 讚好
0 留言
51 瀏覽
0 讚好
0 留言
46 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2020-08-24
用餐途徑
堂食
人均消費
$55 (午餐)
推介美食
素食套餐
$ 43
麻辣蘿蔔牛腩
意式香草雞麻香米線
$ 53
意式香草雞麻香米線
$ 53
菊花圓肉杞子茶