素味牽 (已結業) 查看

行去黃金商場買電腦野，順便在附近吃個午飯，想起好久沒吃素味牽又去食下。除了自選兩款素菜套餐之外，原來仲有素食鍋喎，見到麻油雞好想食就試一鍋。素味鍋 (麻油雞+素魚腐)(麻辣湯) HK$64素味鍋有三款主菜可以揀，價錢包一個選擇，加十蚊就再多一款。湯底可以揀清湯、酸辣湯或麻辣湯，辣度亦可以調節，真係好自由的一間素食餐廳。我揀左麻辣湯小辣，吃起來辣度剛剛好，麻油雞薑味十足好似幾補身。鍋入面仲有粉絲、金菇、菜、黑木衣、菇片、番茄、粟米粒、半熟蛋和白蘿蔔，吃起來非常豐富！有隻半熟蛋又幾開心喎！成個鍋份量好足，仲有咁多款蔬菜配料！在深水埗想搵平價飽肚快餐，記得mark低素味牽啦。

前排見到有Youtuber介紹呢間餐廳想朝聖好耐所以搵日特登揸車黎朝聖😋午飯時段過後來唔算好多人地方乾淨、企理，牆上decoration都幾靚我地兩個人左黯然銷魂飯同兩餸飯🧚🏻‍♀️黯然銷魂飯一般，不過不失素肉係類似酸齋🧚🏻‍♀️兩餸飯要左咖喱、蓮藕片，加菜小棠菜有驚喜！非常鮮甜！臨走前有位小姐在嘈，八達通機有問題佢堅持唔肯俾Cash一定要俾八達通店長非常有禮貌有耐心地解決問題，值得一讚👍🏻總括來說，會再來的😋

加藤屋就食過幾次la，今次試下佢既素食分店素味牽🥬見到佢既餐牌即刻比佢既黯然銷魂飯吸引住😍冇諗過素食都可以咁有gimmick。另外呢度既素菜套餐同埋素米線好似都唔錯，下次都可以試下。食素除左為健康、保護環境、保護動物之外，都可以為好食！而且呢度同加藤屋一樣，學生堂食有得減$6，就算唔係學生，外賣自取既話都有得減$6！好抵食！1⃣️黯然銷魂飯（$50）（6.7/10） 個餐包埋餐湯，今日既餐湯係南瓜湯，南瓜湯好足料，本身諗住會似係西式既南瓜湯咁既味，但係完全唔同wor😳飲落甜甜地，南瓜煮到爛曬，入面仲有啲紅蘿蔔、眉豆，飲落清甜而且飲到一絲絲既南瓜肉😋  重點係個黯然銷魂飯🤩有素叉燒、菜、太陽蛋同埋落左秘製既甜豉油。素叉燒食落有蜜汁既香味，食落真係有食緊叉燒，半肥瘦既感覺😚有驚喜！煎蛋有燶邊🤤將蛋汁同甜豉油撈埋拌飯食一流！另外飯既份量好多，用左珍珠米，個飯賣得唔貴，但係所有野都係有用心既，好好👍  

入邊嘅工作人員超級唔識做。客人剛食完碗都未擺低就立即要收碗。收碗嘅位置永遠喺客人嗰邊，唔識行過對面。攞杯水攞十世都未攞到，到最後自己去攞竟然會俾人鬧。試過有一個人叫外賣之後同個收銀講自己係學生，個收銀講話打咗單喇，無得變，下次早啲講啊。佢哋呢職員帶住藍色手套感覺上好似好乾淨衛生，但係佢個手套係會接觸到攞嚟嘅飯同餸。

天氣開始涼,開始想食有熱湯既野,突然諗起未試過素味牽既湯米線,哩間良心店黎架~之前只食過餸飯,睇返網上其他朋友影既餐牌,我揀左麻辣湯底,要大辣,要左胡椒雞同埋鮮竹卷,$40叫多個餸就送紫背天葵,我飲緊咖啡唔加啦,電話落單.10分鐘拎得~...佢地係自動分湯既~打開碗蓋,淨睇湯既顏色,會以返係蕃茄湯,但麻辣香味撲鼻而來,好似好正咁,唔知係咪真係咁辣呢?輕輕將米線放入湯,揚返鬆佢地,再夾返湯入面d 餸上面,咁就靚曬啦,配菜有菜心一條,幾塊雲耳同少少芽菜,先試啖米線,軟滑,湯麻香重,辣味都ok,不過對食辣既人黎講應該算係中辣,哩舊應該係胡椒雞,質感似麵筋,唔知係咪麻辣湯底影響,感覺係甜甜地,帶少少胡椒味XD都有成四五舊架.哩條係鮮竹卷,哩個好食,我鍾意哩個多D,入面有紅蘿蔔絲同沙葛,索左麻辣湯好味,(喂.原來左手揸機影全部對唔到焦...XD)我諗我下次都會食米線XD會食返鮮竹卷~但係唔記得影米線menuXDD睇住其他先啦.

係深水埗入左呢一間餐廳，入左黎先發覺係食素。素食餐廳，叫素味軒。對於素食，我認識不多，平時都沒注意或刻意想去食素，可能因為自己愛食肉，無肉不歡。入左黎坐底左，又唔想行出去，於是望望餐牌，叫左有個咖哩薯仔肉丸飯，睇睇素食既肉丸係咩一回事先。賣相同平時一般餐廳叫既一模一樣也。食落，味道都好似平時肉食咁，都幾得意，我唔知係咩整出黎，我估係面筋？佢地既白飯可以添加一次。　岩晒我鍾意大食之人。餐廳既裝修，見到佢地寫住，係希望推廣多Ｄ人食素，因為食素健康Ｄ，對地球都好Ｄ。我食完今次之後，的確對食素有Ｄ興趣。

📍深水埗平民價素食飯堂‼️ • 軟腍香甜燴南瓜🎃 -- 素味牽🥬💛·=======================近排食得多油膩嘢想返清淡少少，去開深水埗見到呢間素食餐廳價錢親民，而且仲有任揀雙餸飯，就入去試下！😆素食餸菜有多款選擇，而且菜單仲會定時更換🤤$43可揀兩餸仲包埋餐湯，唔夠食仲可以免費加飯一次💓另外學生仲有減$6優惠😍‼️------------------------------素食雙餸飯 $43⭐️是日餐湯當日嘅餐湯係雜菜羅宋湯，飲落好有家庭feel，湯頭清甜酸酸哋，完全唔會有味精鹹味👍------------------------------⭐️南瓜燴麵筋南瓜有好多塊，燴得好腍好綿😆南瓜控表示好中意！🥰麵筋彈牙，索盡南瓜汁嘅精華，甜甜哋好好食！😍------------------------------⭐️新疆豆腐雞髀菇份量同樣好多！豆腐同雞脾菇加咗孜然粉炒過，帶微微辣勁好惹味😍用嚟送飯一流～------------------------------⭐️炒菜 （+$5）加$5要埋炒小棠菜，但略為炒得油咗少少🙈------------------------------整體嚟

深水埗 素味牽平價素菜食堂 素食版黯然銷魂飯香港最近很多素食餐廳開業  吃到平價素食套餐 素食版黯然銷魂飯主要做素菜套餐另附白飯、湯或熱特飲 可以加 $5 多個炒菜主打黯然銷魂飯 即係 素叉燒+日本雞蛋+秘製豉油+珍珠米素叉燒用麵筋製成 燒得幾脆蜜汁都好惹味! 係日本蛋所以味道好鮮美!是日特餐 回窩肉 干同菇 小棠菜配白飯豆干同啲椰菜都好入味,滷到好香口!深水埗元州街32號地舖消費$70

黯然銷魂飯（素）$50外型相當真實，其實係麵筋，味道都相似，但較甜，雖然佢唔係我最喜愛嘅燶邊太陽蛋，不過佢行健康路線咁我接受啦😂包一杯是日特飲，洛神花茶，不過就太甜喇😅

深水埗咁多野食，黎呢區搵食真係岩曬今次又想食下素菜，一上網查深水埗素菜就查到素味牽閒日晚飯時間黎食都差唔多坐滿 餸菜款式都算多 ＄４３晚餐一個餸一個飯一個湯 仲可以加一次白飯  加＄５就可以有埋個菜食 仲可以係邊度搵到今日餐湯係南瓜湯 我地最後揀左回窩肉，麻辣蘿蔔牛腩，咕嚕肉同新彊炒羊肉，另外仲加左一份菜湯碗同碟都比傳統素菜舖得意，食得更開心南瓜湯無渣，係比較粉ge個款南瓜，我鐘意粉ge南瓜，南瓜味濃，湯清甜，估唔到跟餐ge湯都會咁高質素四款餸中我最鐘意咕嚕肉，佢唔似一般素菜舖ge咕嚕肉，素肉係無炸過，但調味一流，唔會太酸或者太甜其餘三款都好味道，而且份量唔少，好抵食最驚喜係個白飯，軟熟又帶飯香，靚米！！！仲有叫埋小食，鹽酥雞同香菇小肉卷，跟餐分別係＄１０同＄８兩款比較我鐘意鹽酥雞多啲，香菇小肉卷質地較鬆散，但味道都唔錯

遲來真係食肉太多,突然又想食素,行過隔離街素味牽睇下有咩食先,一黎就見到黯然銷魂飯,嗯,可能太耐冇食豬,連叉燒都冇興趣,再睇,今日輪到b set,店員話一星期轉一次,輪住abcd set 咁轉,咁就可以揀果星期果set 入面既菜式,我今日揀左咕咕肉同豆乾海鮮菇,唔要飲品,只係$39.返到公司做左好耐野先得閒食,飯餸都凍曬啦XD又係哩個得意既外賣盒,一層層咁,哩兩款餸既配搭無論顏色味道都好大對比,一白一紅,一濃一淡,感覺今次份量多過上次.先試淡味既豆乾海鮮菇啦,真係菇有菇味,豆乾有豆乾味,冇咩調味同汁,好清淡XD,最後我加左公司辣椒油食XDD跟住係咕嚕肉,配料好足,三色椒,菠蘿,素肉,我覺得哩隻素肉質地比較硬,似炸到過左火既真肉XD酸咪同椒味好出,有D 汁,撈飯OK.我以前唔知邊食過係用猴頭菇做肉,超正但搵唔返嚕.飯係珍珠米,粒粒圓潤,箍緊牙既我表示d 飯粒攝曬係知箍度XDD滿滿一兜

素味牽,聽講係同嘉藤屋同一集團,專營良心相宜家常素食,冇舊式果d齋滷味酸齋果d,但又未到素年果d 咁精緻文青,勉強講..,係素食既三餸飯.套餐可以揀兩個餸,揀左辣炒蓮藕,同埋茄子金菇羊腩.蓮藕爽脆,都ok,只有小小辣,唔太辣,可能cool 緊牙,覺得茄子有d 硬,係有d 膠果種感覺,初時打開個盒蓋覺得d 餸份量少,但食食下到食曬都好飽,飯竟然係珍珠米,好驚訝,竟然哩d三餸飯會用珍珠米,真係完全冇估到,而湯係蕃茄薯茄豆腐湯.我應該會再試,個食物盒好得意~

本身對素食興趣不大,深水埗又食肆云云但試過幾次素味牽之後仍覺得食物幾有水準所以再三幫襯餐廳食物不含五辛 對素食有求者可放心用餐Lunch time客人滿滿咁三點依d鐘數就可以享受無人之境 😙兩餸餐牌ABCD每幾日就會轉一轉唔驚食厭$43 兩餸配白飯加杯飲品認真抵食想要多個清菜+$5 亦絕對係良心價🥢螞蟻上樹(好夠味嘅肉粒炒粉絲, 口感恰到好處不爛也不硬)🥢尖椒炒蛋(少少濕蛋炒青椒, 蛋夠滑清甜唔咸)是日特飲係足料的桂花圓肉杞子茶味道清甜值得一讚餐飯好有媽媽煮嘅味道, 食完無口喝 😆 其實食素都唔係諗到咁差吖, 好過好多茶記碟頭飯, 起碼岀街都食到住家feel

美味素食：點了一份米線跟一份小食。木耳絲青菜酸辣米線選了微微辣的，小小辣小小酸，配埋爽口耳，不錯的選擇😆鹽酥雞炸素雞，香口美食，比想像中出色，不會因為是素雞是失色😋

素味牽據聞係加藤屋嘅分支，第一次去加藤屋，勁多人等位，於是就過咗隔離素味牽食齋。一坐低，環顧四周，非常乾淨整潔，牆上仲掛咗唔少風景相，即刻加分🥳。叫咗個素菜套餐，有兩餸飯同飲品，兩餸我揀咗茄子金菇羊腩同螞蟻上樹。老實講，於我而言，素菜食材來來去去都係蔬菜，豆腐，麵筋類，味道口感大同小異，所以調味好重要。呢兩味餸嘅調味都算豐富，唔會乾噌噌淡茂茂，前者有少許南乳味，後者微辣，唔錯👍。飲品係是日特飲菊花圓肉杞子茶，呢杯認真正，淨係聽個名都知勁滋補，美顏潤喉，菊花清香，圓肉甜甜哋有咬口，好飲😋。