哈欠

營業中

休息中

我即將要離開長沙灣呢個工作左5年嘅地方，喺離開之前要食番餐好嘅!! 😎公司附近開左間文青café小店，佈置得唔錯，入到去感覺休閒。我D同事全部都揀炸雞扒配窩夫，但自己減緊肥，食多D蛋白質之餘，又唔可以食太多炸野，所以最後揀左款含蛋量比較高嘅餐。蟹肉蟹粉滑蛋墨西哥夾餅 夾餅熱食果陣仲有少少乾脆，但凍左就會變韌少少，特別下面果塊，痴住張牛油紙實一實😂食落蟹肉蟹粉唔會好明顯，要細賞之下先FEEL到。蟹粉無好腥，不過稱唔上好味。我個人麻麻地呢個組合😅，蛋亦唔夠蛋香。紅豆Latte(熱)反而呢度嘅Latte好好味!! 雖然無紅豆粒、亦無紅豆沙沙，不過飲落好有紅豆香，唔甜之餘，仲有少少苦。🤤個人會因為咖啡而再嚟。甜品是日甜品係Oreo蛋糕，平時我唔食cream，因為多數都好甜、好香精，但呢度嘅cream好有奶味，而且唔會好甜，不過食完油膩感都幾重架!!整體環境舒服，職員有禮貎，咖啡好飲，食物就唔係我杯茶。