詠藜園四川擔擔麵

營業中

休息中

晚上9點去到黃埔，見到太興、茶木、Kitchen J都大排長龍，唸住轉場去第二度食飯，點知經開詠藜園嘅時候多口去問下阿姐，剛好有一張二人檯，即時二話不説入去幫襯。一坐低先自動上兩碟餐前小食，本來唸住都係 hea 下嘅小食，都唔慌好食，點知一食之下有驚喜，花生外皮香脆，酸菜甜酸度剛好，所以最後全部俾我哋食晒。點咗份醉豬手 $68 做冷盤，肉質爽脆份量足，廚師細心的切成一口size，使人食得舒服，個人認為酒味可以再濃d。主食原湯水餃(8粒) $43，水餃好味，難得水餃湯內有香菜及肉碎，提升鮮味，抵讚。改良擔擔麵(不辣) $35，點之前問侍應姐姐改良擔擔麵及擔擔麵的分別，原來改良版就多咗肉碎，所以我叫咗改良版。擔擔麵果然係招牌菜，麵條彈牙，湯有香濃花生及肉碎味，一齊食口感極佳，不可不試。楊家小湯包(4個) $32，皮薄而夾起時不會穿，可惜小弟食咗兩個湯包之中，第一個並沒有湯，而第二個只有極少湯，因而有點失望。