影片
更多
2018-10-26
1767 瀏覽
平時聽九層塔海鮮塔呢啲名就聽得多，親友遠自外國返香港話想試下蒸海鮮鍋，難得有機會一嘗滋味，於是就搵咗呢間位於紅磡嘅九重鮮。九重鮮店內環境闊落，原來佢係韓國餐廳黎嘅所以一坐低店員就上咗幾碟傳統嘅韓國前菜、小食等等。睇完餐牌之後，我地叫咗$398嘅「首爾塔」套餐，都係一啲大路嘅海鮮，最後就係粥底，我地揀咗韓式豬手湯，估唔到有意外驚喜！話明九層塔，店員真係好快就搬咗個塔出黎，亦真係有足足九層架！第一層係象拔蚌同蟶子，兩款海鮮都好大隻，尤其是蟶子又甜又厚肉，而且有足一隻手掌長度。第二層係元貝，都係好厚肉而且大隻，肉汁鮮甜，不過配菜勝瓜就有少少老同嚡口。第三層係眾人又愛又恨嘅蝦啦！因為要剝殼所以大家都您推我讓咁海蝦食落幾新鮮，肉質爽口第四層有貴妃蚌、龍躉同八爪魚，可能我地食得慢嘅關係，呢一層嘅肉質都比較老同縮咗水不過龍躉係三款之中比較好食嘅，可能係因為本身肉質關係第五層係花蛤、芝士丸同南瓜，芝士丸食唔出芝士味，感覺似普通的魚蛋，而花蛤正正常常，唯獨南瓜就淡而無味，連南瓜本身的味道都欠缺，而且蒸咗一段時間仍然係硬身。第六層黎到重頭戲沙巴肉蟹，4人份量係兩隻蟹，都幾大隻幾厚肉，而且好多膏，肉質剛剛好
九重鮮店內環境闊落，原來佢係韓國餐廳黎嘅所以一坐低店員就上咗幾碟傳統嘅韓國前菜、小食等等。
睇完餐牌之後，我地叫咗$398嘅「首爾塔」套餐，都係一啲大路嘅海鮮，最後就係粥底，我地揀咗韓式豬手湯，估唔到有意外驚喜！
話明九層塔，店員真係好快就搬咗個塔出黎，亦真係有足足九層架！
第一層係象拔蚌同蟶子，兩款海鮮都好大隻，尤其是蟶子又甜又厚肉，而且有足一隻手掌長度。
第二層係元貝，都係好厚肉而且大隻，肉汁鮮甜，不過配菜勝瓜就有少少老同嚡口。
第三層係眾人又愛又恨嘅蝦啦！因為要剝殼所以大家都您推我讓咁海蝦食落幾新鮮，肉質爽口
第四層有貴妃蚌、龍躉同八爪魚，可能我地食得慢嘅關係，呢一層嘅肉質都比較老同縮咗水不過龍躉係三款之中比較好食嘅，可能係因為本身肉質關係
第五層係花蛤、芝士丸同南瓜，芝士丸食唔出芝士味，感覺似普通的魚蛋，而花蛤正正常常，唯獨南瓜就淡而無味，連南瓜本身的味道都欠缺，而且蒸咗一段時間仍然係硬身。
第六層黎到重頭戲沙巴肉蟹，4人份量係兩隻蟹，都幾大隻幾厚肉，而且好多膏，肉質剛剛好而且鮮甜
黎到第七層係鮑魚，從圖片都睇到係幾細隻不過幸好都幾厚肉，而且唔會太韌，另外仲有蘿蔔同冬菇作配菜。
倒數尾二層第八層，有南瓜、蕃薯、粟米以及黑汁豚肉丸。豚肉丸雖然外貌唔討好，但係食落幾彈牙而且味道唔錯而蔬菜整體都係無味而且質地較硬，似乎蒸得唔夠長時間或者品種問題，有需要改善。
終於黎到最後一層第九層，就係成個塔精華所在嘅粥底我哋揀咗韓式豬手粥，材料除咗豬手仲有韓國年糕，成個粥味道剛剛好，唔會過咸，豬手好腍，友人們一致認為呢個粥底先至係主菜
喺用餐過程，店員都照顧周到，十分有禮，值得讚賞。
張貼
