我愛慢煮 (普慶坊) (已結業)

平日都係去開孖沙街果間我愛慢煮，對於佢地嘅菜式同環境氣氛嘅配搭都已經幾熟習下。今日得登上到PMQ附近行街，發現普慶坊都有一間我愛慢煮！係門口就發配呢間我愛慢煮同其他兩間有搶眼嘅Neon light 好唔同，門口只有英文寫住 the hangout corner，成間店嘅風格都更加工業風同沉實好多🙆🏻‍♀️餐牌係一樣的。果日叫左一個set($138)、豬鞍架、紅白酒各一杯同埋一個紅酒梨雪糕甜品。豬鞍架嘅肉質好實淨，淡淡肉，加上香草嘅完美配合，作為第一道菜，真係好搶鏡。之後到個set上場，同豬鞍架唔同嘅係佢地嘅豬腩同牛嘅肉質都比較爽脆。本人真係好鐘意佢地整嘅豬腩，bbq醬偏甜，加上豬腩嘅油香🤤🤤🤤 強力推薦呢個set，一黎係抵食，兩個人share都得，再加上呢個set入而有薯仔沙律、腸仔加上兩款肉食。真係食到好飽！