龍鳳號

營業中

休息中

今日嚟觀塘食呢間台式餐廳，位於好多野食既中海日升中心，裝修好有中式風味，餐牌有台式經典小菜，魯肉飯，肉燥飯，家鄉滷水，台式飲品及甜品等等… 所有食物都冇添加味精同色素👍🏻🍚古早味魯肉飯 $38🤩裝到滿滿一碗，價錢平都冇偷工減料，魯肉嘅份量都幾多，醬汁香濃，鹹甜平衡適中，魯肉肥瘦適中，撈飯食絕配，必食之選⭐️🍆醬燒茄子 $38😍賣相精緻，做法都好有誠意，將燒香茄子切件，茄子外皮燒到好香裏面好淋，加上醬汁同香蒜香蔥，非常惹味又唔會太鹹，推薦👍🏻滷水拼盤 $78拼盤有滷蛋，滷豆腐，滷豬耳，滷大腸。佢嘅滷水汁鹹甜適中，滷蛋一睇就知滷得好入味；滷豆腐吸收左滷水汁好香；豬耳爽脆惹味，滷大腸都洗得好乾淨，唔會好油膩。惹味肉燥乾拌新竹米粉 $38😋最鍾意食台灣嘅新竹米粉，米香味濃，口感煙韌Q彈，加埋惹味肉燥，芽菜，蔥絲乾拌非常夾。整體來講，食物質素唔錯，做法正宗，特別推薦古早味魯肉飯，性價比好高，係糧尾恩物，外賣自取仲有85折，值得推薦。