蟹仙海鮮蒸氣鍋 (仁愛街) (已結業)

今日去開新蒲崗附近買嘢，於是帶個好朋友去食蟹仙專門店，居然發現抵食左，今日係平日都坐滿晒人。位置好闊落，我哋兩個人可以坐四人枱，所以坐得好舒服，可以好輕鬆咁樣邊傾偈邊食蒸海鮮。今日好幸運食到罕有既藻食綠膏蟹，服務員話啲蟹要開落去先知係唔係六膏蟹，因為外面睇唔到入面咩色膏，綠色膏係因為呢種蟹食開海藻，真係第一次見，啲膏口感好滑，味道有啲甘苦，唔係平時甜甜既味道，都幾特別。食晒10款海鮮同菜，最後仲可以食埋粥同甜品，非常滿足，會繼續帶朋友嚟食。