Day and Nite by Master Kama (已結業)

首先揀一啲花茶，款式都有好幾款選擇。茶壺仔幾精緻，花茶沖出嚟嘅味道幾香。另一杯係Good-nite dear ，係一杯濃朱古力特飲，裏面加咗D橙酒，上面有一啲棉花糖， 味道幾好。法式龍蝦湯，擺設幾得意，上面放咗一條麵包條，再加咗一啲小番茄同綠色菜做擺設。脆脆片香橙雞肉沙律配芝麻醬汁， 用咗一個元寶型嘅碗放，又幾得意，口感亦都唔錯，有脆脆亦有雞肉嘅咬感、沙律菜同橙肉嘅清新。龍蝦肉蒸蛋，蛋都算滑，加上有龍蝦肉放面，味道唔錯。大嘅藍青口，用咗一啲茄汁煮，食落較野味。主菜係半邊龍蝦加沙律加薯條，好味道。