影片
更多
2019-03-01
45 瀏覽
請你滾，滾出去🎶🎵邊爐控又出動喇！難得約埋幾個好朋友食飯，就係要一路傾計，一路十下十下啦。酒鍋嘅鍋底都好有睇頭，有佛跳牆，酒火入鍋等等，我地叫左個夢幻花園，一鍋五味，包括四川麻辣，花膠雞，喇沙海鮮，黑松露雜菌，同埋木瓜雪耳，有辣有唔辣，任君選擇。鍋底一上枱真係好夢幻，面頭有滿滿嘅蛋白，有食用花做裝飾，梗係要照多兩張相。侍應再喺中間木瓜雪耳加入乾冰，更加有夢幻同仙氣迫人。等乾冰效果完左之後，侍應就幫我地加湯喇，正式開動！每樣邊爐料都好精緻，我個人就比較喜歡個豬肉，好有咬口，唔會太乾，加入四川麻辣鍋底就更加惹味。而響鈴加入紫菜就更加香喇，味道嘅層面即刻提升左。墨魚丸整到企鵝嘅形狀，金粉企鵝造型好可愛，令人唔捨得放佢入熱辣辣嘅鍋底度呀！最後都係狠狠地咬落去，又幾彈牙喎！
邊爐控又出動喇！難得約埋幾個好朋友食飯，就係要一路傾計，一路十下十下啦。
酒鍋嘅鍋底都好有睇頭，有佛跳牆，酒火入鍋等等，我地叫左個夢幻花園，一鍋五味，包括四川麻辣，花膠雞，喇沙海鮮，黑松露雜菌，同埋木瓜雪耳，有辣有唔辣，任君選擇。
鍋底一上枱真係好夢幻，面頭有滿滿嘅蛋白，有食用花做裝飾，梗係要照多兩張相。侍應再喺中間木瓜雪耳加入乾冰，更加有夢幻同仙氣迫人。等乾冰效果完左之後，侍應就幫我地加湯喇，正式開動！
每樣邊爐料都好精緻，我個人就比較喜歡個豬肉，好有咬口，唔會太乾，加入四川麻辣鍋底就更加惹味。而響鈴加入紫菜就更加香喇，味道嘅層面即刻提升左。
墨魚丸整到企鵝嘅形狀，金粉企鵝造型好可愛，令人唔捨得放佢入熱辣辣嘅鍋底度呀！最後都係狠狠地咬落去，又幾彈牙喎！
張貼
