陳儀興尚潮樓 (太子道西)

營業中

休息中

今天和朋友到花墟買花，抱著一大堆戰利品，所以就近在太子找午餐吃，經過 一潮洲菜館，見門面裝修得唔錯，朋友也喜歡吃潮菜，就入內試試。餐廳面積不大，但有上下兩層，我見樓下有位，就不想爬樓梯到樓上了。餐廳雖然面積不大，但樓底很高，令人感覺空間寬敞，裝修得很雅緻，帶有一股古樸味道，古色古香，令人心情非常放鬆。我倆先來兩杯潮汕特色飲品，係老藥桔，帶一股淡淡桔味和中藥味，不太甜，飲落喉嚨好舒服 ，解渴又順喉。潮州紅燒翅 ～ 好大的一碗，滿滿都係翅，仲夾得起㖭，湯底香濃，用炸乾貝點缀，好高級。鹅三寶 ～ 即係鵝肉、鵝肝同鵝腸，鵝肉已代為去骨，食落啖啖肉，滷水味濃而不鹹， 鵝肝做得很好，又軟又滑。鵝腸好爽口，帶少少鵝脂，很甘香。魚露浸花甲 ～ 花甲新鮮肥美又大隻，一啲沙都冇，用魚露汁浸泡，帶出花甲鮮味，好特別。汕頭煎蠔烙 ～ 蠔仔頗大粒，用薯粉煎得好透，香口又不油膩，點魚露食，更加可帶出蠔仔的鮮味。呢間潮洲菜館，食物質素唔錯，裝修雅緻，想在太子這區吃飯，的確是一個不錯的選擇。