南瀛水產

依間位於尖沙咀嘅餐廳，專打日式燒烤，裝修風格感覺置身本土日本餐廳，比韓國燒肉餐廳更精緻材料更矜貴！蚧味噌甲羅燒一上場就食呢個，職員好用心咁去燒，裏面材料都勁邪惡，有蟹膏，蟹肉，蟹子，少許香蔥，同埋加隻鵪鶉蛋，味道濃郁層次豐富，必點自選！東瀛五點盛刺身有五款包括三文魚，吞拿魚，油甘魚，帶子，甜蝦，每款都好新鮮，份量都足夠！南瀛卷依個卷物一上場就勁吸睛，短襪上面鋪滿三文魚子，加拿大海膽，吞拿魚茸同埋甜蝦！食落勁滿足！軟殼蟹沙律依個沙律嘅菜勁新鮮，軟殼蟹食嘅時候仲有少少暖，食咗咁多燒物配搭一個沙律感覺好match！活貝盛合喺呢度食嘅一大特色就係所有燒既嘢食都係由職員負責去處理，咁就唔驚同朋友吹吹下水嘅時候就燒燶咗LOL，個盛合有好多海鮮全部都好新鮮，有帆立貝，鮑魚，生蠔，蜆！飲品柚子啤酒 白桃燒灼