八月居 (海港城) (已結業)

星期六，天陰陰咩心情都無晒，本來想去離島行下食下野都要即刻改變計劃。最後下晝就同朋友兩個去左八月居嘆茶。 本身仲有叫多兩款點心的，就係春卷同埋XO 醬炒蘿蔔糕，但一上到枱就掛住食，都唔記得左影相了。可想而知個味道係幾咁good雀籠點心 $188 每款點心都有兩件，唔駛爭。 賣相好靚，點心分兩層擺放上枱。入面有鮮蝦餃、帶子燒賣、鮑魚撻、素粉果、燕窩蛋撻、鳳尾蝦芋盒，共六款 最好味係鮑魚撻，鮑魚又淋又入味，配埋醬汁同埋蛋撻皮鹹鹹地好惹味。 燕窩蛋撻都好好味，唔太甜，可能本身我都鍾意食蛋撻，所以特別鍾情呢個。 其餘的不過不失啦花膠瑤柱灌湯餃 $50 可能煮得過熟，個餃未食已經爛爛地，一嗶成個餃散晒。花膠只得好細好細舊，未煮透，所以仲有啲硬。個湯夠晒瑤柱味好鮮甜，幫成份灌湯餃加左唔少分數。牛肉腸粉 皮薄，牛肉入味，份量十足，咬落去每啖的比例都係牛肉多過腸粉皮。