香江花月 (利舞臺廣場) (已結業)

自從生日食過係佐敦分店香江花月晚市，聽朋友推介後一直想去銅鑼灣呢間，佢話呢度主打老香港🇭🇰主題嘅分店，所以放假同屋企人黎飲個下午茶。蒸選點心三色混醬腸有白色綠色同埋橙黃色嘅腸粉，全部都好柔軟同埋好滑，混醬都好好食🤤！煎炸點心紅袍荔枝外邊好似有啲米通嘅鬆脆口感，內層係奶黃醬餡料，因為啱先新鮮出爐，所以外脆內軟，賣相一流！特式蒸點杏汁金魚餃金魚餃用鮮蝦做餡。賣相好似幾尾在魚塘暢泳的小魚，蝦餃皮薄，餡料新鮮。杏汁提升左菜式嘅香滑口感！迷你鴛鴦飯紅色同綠色嘅反差配搭，綠色係蛋白翠玉瓜同埋雞白肉，有少少乾瑤柱。綠色嗰部份就用翠玉瓜嘅顏色打汁。紅色係用紅色嘅火龍果同埋蝦，用火龍果嘅汁煮紅色嘅部份，加添健康元素，又帶清甜果香。環境：餐廳光線明亮，空間感十足，有懷舊風既電單車做打卡位，另外有一個小型Team Lab 打卡鏡房。氣氛：靜靜地飲個茶，適合一班人一齊去食下午茶🫖，叫精緻點心，又或者閠蜜情人拍拖好去處。