283
17
5
| 餐廳: | 香江花月 (利舞臺廣場) |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
電話號碼
23639698
66366688 (Whatsapp)
營業時間
今日營業
11:00 - 16:00
17:30 - 23:00
星期一至日
11:00 - 16:00
17:30 - 23:00
公眾假期
11:00 - 16:00
17:30 - 23:00
公眾假期前夕
11:00 - 16:00
17:30 - 23:00
*1100-1230（早市）
1230-1400（午市）
1400-1600（下午茶）
1730-2300（晚市)
以上資料只供參考, 請與餐廳確認詳情
有關獎賞計劃
優惠
| 餐廳: | 香江花月 (利舞臺廣場) |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
招牌菜
食家推介
相關文章
1822 瀏覽
成為咗Lee Gardens Club會員後，發現多間餐廳都有九折優惠，週三晚收早，所以就好即興咁約咗三五知己試試其中一間「香江花月」。聽到餐廳名， XO仔即聯想到「香江花月夜」嘅梅姐，冇諗到餐廳大堂會選用哥哥嘅畫報裝飾正門前方嘅升降機大堂。佔用面積全層嘅火鍋店寬廣開揚，用餐大堂光線充裕，弧形嘅散座又真係幾似電視劇中嘅舞廳格局喎。最中央位置為自助混醬區，兩邊高高嘅圓柱桶均為豉油，混唔混都會收$25/位。每位席上擺有齊備嘅自用及公用餐具，感覺都好衛生。埋位每人先送一杯清新怡神嘅洋甘菊茶，細杯仔底隱約露出條肥嘟嘟嘅錦鯉，相當盞鬼！飲品牌只有一頁。爛飲鬼結果開咗兩枝紅酒。眼見六人用餐要分兩個煲，所以就應推介其中一邊點咗個包一款鮮味頭盤、火鍋湯底及時令海鮮拼盤嘅「鍋心暖意」套餐（優惠價$2,188；原價$2,988）。另從火鍋紙上多個項目加選配料。（厚本彩圖餐牌太多頁，小肥嗰日懶冇影到。）不過就冇試到啲摩登點心同甜品。鍋心暖意套餐之澳洲龍蝦刺身（原隻）：套餐嘅頭盤揀咗鮮甜爽脆嘅澳龍刺身，如果怕生的話可以灼一灼先食。個殼仲可以浸埋入去滾，令湯底更為鮮濃。鍋心暖意套餐之白湯人參鍋（原價$228）：奶白色嘅人參雞湯底其實都幾甜，不過個藥材味都幾重吓，最正係入面滑嘟嘟嘅鴨血。日本牛乳玫瑰鍋（$168）：同樣呈奶白色嘅玫瑰鍋底反而得個靚字，浮面朵玫瑰花原來係用日本牛乳冰製而成，滾湯時會慢慢溶，下面托底件木瓜就要用人手整爛。湯底係就係好滑，不過唔係好飲得出有玫瑰香，用木瓜味牛奶打邊爐始終有啲怪怪地。鍋心暖意套餐之時令海鮮拼盤：如相所示，拼盤內含爽彈嘅蝦蝦、鮮脆嘅鮑魚仔、幼嫩嘅帶子同甜美嘅花蛤，共四款海鮮，每款最少有四隻。香江拼 – 手切肥牛、牛柳粒、安格斯肥牛、牛小腿、牛白肉、牛心頂、黑柏葉、牛脷（$798）：顏值最高嘅牛肉拼盤每款分成小碟，有啲仲兩、三碟咁圍住個火鍋邊，唔洗標籤注明都睇得出牛牛嘅部位。中間有個窿嘅擺盤設計可善用餐桌嘅位置，邊食仲可以人手轉，個個都夾得到。切得夠薄身嘅手切肥牛同安格斯肥牛都好軟熟，牛柳粒最有嚼勁，個人最欣賞爽潤香甜嘅牛白肉，唯一唔係好識點煮個黑柏葉，烚極都好似好韌咁。花滿園（$238）：豬羊雙拼用架上，高雅嘅雙層賣相一樣好慳位，上格半肥瘦嘅豬肉片柔潤帶爽。下層嘅羊肉睇落都好薄，不過自己怕羊肉羶所以冇試到。蓮藕片（$38）：意外地，白雪雪嘅蓮藕片清爽脆巧。生根（$28）：脹卜卜嘅生根都好新鮮。娃娃菜（$48）：娃娃菜葉多夠清甜，最啱細佬口味！一口鮮蝦滑（$78）：蝦滑爽甜彈牙，必吃推介！鮮冬菇（$28）：肥嘟嘟嘅冬菇清香可口。碧綠萵筍（$48）：平時都幾鍾意食萵筍，不過唔知係咪唔啱季節呢，盤中嘅萵筍塊好似苦苦地。黃沙豬潤（$58）：厚肉嘅黃沙潤煮前已富光澤，煮熟咗後亦爽潤柔滑。姬松茸野菌餃（$88）、冬菇薺菜餃（$88）、自家製韭菜餃（$68）：「香江花月」幾款餃餃全部都包得好工整，餃皮厚薄適中，不過食落，用菇菌作餡嗰兩款嘅味道偏淡，反而最平嘅韭菜餃最爽嫩惹味。銅鑼灣火鍋店「香江花月」通爽闊落，服務生好客友善，廚房用材優質，菜式大多美觀味佳，睇得出各方面都花過心思設計，好迎合現今愛打卡嘅世代！懷舊嘅裝潢配上時尚嘅火鍋湯底同配料，橫跨時代嘅主題有啲似劇集中嘅穿越時空咁，置身其中都幾過癮。
繼續閱讀
📍香江花月 (利舞臺廣場) (銅鑼灣)📍銅鑼灣波斯富街99號利舞臺廣場21樓🟡美顏花膠雞鍋 $298今日食香江花月，推介佢哋嘅美顏花膠雞鍋。飲咗兩碗湯之餘仲食晒半隻雞！🟡太極兩儀 $428太極兩儀有紅酒安格斯牛肉同黑松露牛乳梅花豬肉片。以打邊爐的肉來講，呢度真係食過最好食！🟡七彩餃子 $108七色丸有蟹子、紅咖哩、青咖哩、椰芋、南乳、黑松露同鹹蛋黃口味。🟡七色丸 $98七彩餃子好有特色，我哋最鍾意食黑色嘅蟹肉黑松露餃，同橙色嘅金華火腿菜肉餃！🟡一帆風順（秋葵蟹籽墨魚滑）$98一帆風順係用秋葵同蘿蔔切片做成嘅小船形狀，好型！🟡火鍋點心 $98火鍋點心估唔到咁好食！有燒賣、蝦餃、水晶餃、菜苗餃、粉果、水晶奶黃餃同流沙餃。一定要trytry！🟡花花綠綠 $118超級豐盛蔬菜盤，想食邊種蔬菜任君選擇！🟡琥珀誘惑 $88 🟡奇幻歷險 $88特色飲品都好值得一試！琥珀誘惑係用粉紅色玫瑰花同番石榴底加奇異果汁、橙汁同菠蘿汁；而奇幻歷險係豆奶加忌廉同埋梳打加奇異果。真係值得黎試下！
繼續閱讀
之前見雜誌介紹利舞臺嗰間主打火鍋同精緻點心嘅「香江花月」，一直想搵個機會嚟試下，咁啱今日要嚟銅鑼灣換禮券，趁機過去食個午餐。餐廳陳設以 50 年代嘅舊香港為藍本，甫出升降機，一幅幅經典電影油畫海報隨即映入眼簾。中庭位置放了一部古董電單車，再配以琉璃綠色幕簾，令人有恍如置身於舞台劇場般。另外餐廳設有七彩波波燈鏡房，環境超夢幻，啱晒鍾意周圍去打卡影靚相嘅朋友仔！今次嗌咗一個炒飯同三款點心。姬松茸鮮竹卷：鮮竹卷真材實料，內有竹筍和茶樹菇，菇菌清香怡人，腐竹透薄不韌，加上充滿姬松茸菌香嘅熱湯，滋潤又美味。金粟金魚餃：擺盤好有意景，金魚餃白裡透紅，入面嘅蝦肉大大隻，爽彈味鮮，配上粟米清湯，睇落好似喺池塘暢游一樣，令人賞心悅目。另外呢款紅袍荔枝亦係必食之選，用上紅色糯米皮做出外層，而內餡則以荔枝茸及奶黃混合製成，皮層脆中帶煙韌，奶黃餡心微甜香軟，色香味俱全。最後嚟一碟迷你鴛鴦炒飯，賣相好吸引，色彩鮮艷，綠色嗰邊係菠菜汁配雞肉和菜心，而紅色嗰邊就係紅肉火龍果汁配蝦仁同帶子，食落口感好豐富，非常醒胃，有營又健康。整體來說，餐廳嘅佈置非常用心，座位闊落舒服，店員亦招呼周到，絕對值得再訪。
繼續閱讀
秋天開始，又係打邊爐既季節開始了～ 一班邊爐精又開始蠢蠢欲動，今年入秋第一次邊爐，朋友揀咗呢間，呢間我都想食好耐，佢環境靚之餘，食物都有心思，🥰 今次去佢銅鑼灣分店，餐廳座位寬敞，佈置好有華洋情懷，每一處都是打卡位，枱與枱之間有足夠空間，坐得舒服。現時仲有幸運轉輪，睇你夠唔夠lucky 嬴取大奬😉好多嘢都想食，但最終因為肚皮有限，所以揀咗： 🥢湯底：雲南野菌乳鴿鍋 湯底選擇頗多，而且每一款都很吸引，例如辣汁花蛤鍋、秘制花雕豬肚湯等等都好吸引，但朋友想吃清淡一點的湯底，所以最後選了這個雲南野菌乳鴿湯，湯底很足料，成隻乳鴿，有很多不同種類的野菌，有些平時都未見過，再加上有補血益氣的乳鴿，清得黎又美顏養生，兩者兼得，所以未開始打邊爐前就先喝了2碗😋 🥢太極兩儀 太極兩儀是2款肉，一邊是紅酒浸安格斯牛，另一邊則是黑松露牛乳浸梅花片，師傅將牛肉及豬肉砌成花並以太極圖案呈上，未食都已經覺得好靚好好味😋安格斯牛肉經紅酒浸透，更加軟腍，而且有淡淡紅酒香 而梅花豬肉片本身脂肪均勻，再浸牛奶就更加嫩滑，而且加上黑松露味好香。 建議食時要將花拆開，將肉片浸在紅酒/牛奶中，味道更凸出 🤤🥢七彩餃子 顏色鮮艷的七色餃子，齋睇已經好靚，但內裏餡料都好豐富，有七種不同口味，例如牛肉香茜餃、黑松靈餃、蟲草花膠等，每一隻都不同，一啖一驚喜😋 🥢七色丸 同七彩餃子一樣，七色丸都是色彩繽紛，未食先吸引眼球，七色丸都有7款口味，分別是芝士蝦丸、鹹蛋黃、青咖哩、紅咖哩、南乳及椰芋等7款口味，每一粒口味都不同，但都爽口彈牙 🥢皮蛋蝦滑 估唔到皮蛋加蝦滑原來都幾夾，半隻皮蛋跟蝦滑一齊上，要自己用研杵研爛皮蛋，並與蝦滑撈勻。蝦滑鮮味，而且有小小的蝦肉在裏面，增加口感，加皮蛋在一起，唔錯👍🏻 🥢花花綠綠 花花綠綠顧名思義就是蔬菜盒，這個蔬菜盒超豐富的，而且蔬菜都很優質鮮甜，朋友指這個蔬菜盒砌出來好似一隻蟹的形狀，又真係幾似❤️ 🥢即炸魚皮 見到寫即炸魚皮忍不住叫了一客，果然新鮮熱辣，上枱是熱的，而且很鬆脆😋 🍹飲品：桃花緣/琥珀誘惑 除了食物精緻外，飲品都不馬虎，每一款都好吸引，我地揀咗2杯好靚既飲品，分別是桃花緣及琥珀誘惑。琥珀誘惑，杯裏有一朵以番石榴整成的玫瑰花冰，另外分開上一杯由奇異果汁、橙汁及菠蘿汁混合的果汁，味道充滿熱帶風情 桃花緣一上枱就好靚，會有一個桃味的煙燻汽泡，打卡度滿分，而入邊有桃肉啫喱及日本桃肉，再配上乳酸及梳打汽水，甜甜密密🥰
繼續閱讀
裝修幾靚，價錢不便宜，食品還可以，但係嗰個鍋的設計完全失敗，食完之後腰酸背痛對住嗰個海底之鍋深不見底，一定要起身彎腰灼肉幾辛苦，要貼返塊膠布先至搞掂，下次一定唔會再來.
繼續閱讀