影片
更多
2019-02-22
292 瀏覽
今日係我好朋友生日，朋友話想食日本菜，醒目嘅我，緊係帶佢去食廚師發板啦。廚師發板除了高級，而且都好得體，請食飯同客食飯，都係一流嘅選擇。其實都食過唔少師傅發辦餐廳，朋友唔想食間舊嘅餐廳，咁就去試間新嫁啦。我上網就找到依間上環呢全新開嘅日本料理。Omakase $1380今次我哋每人叫咗一個中等價位嘅廚師發板，包括: 前菜，刺身，壽司，熱食，湯，甜品。紅葉蟹肉，經師傅拆殼，食到啖啖嘅紅葉蟹肉，而且又紅色賣相好靚，又夠特別，影相一流。最近都食咗另外一間廚師發辦餐廳，都係有剝皮魚食，入面竟然有剝皮魚肝，嘩，估都估唔到，仲花心思做砌一個花型，真係好靚啊。除咗花花形，另一個刺身都好特別，佢就係針魚喇，切成葉子嘅形狀，一樣好靚啊，魚肉爽甜，沾上醬汁更好。響螺刺身，響螺除咗係中式菜之外，其實都可以用來做刺身，口感超爽脆，我好喜歡。我不嬲都好中意食野生油金魚，今次仲要係野生嘅添，油份比平時嘅多，也會肥美小小，入口真係好油好甘香，好正。係食壽司之前，仲有一個柚子同檸檬嘅啫喱，清一清口腔，真係好貼心。銀色嘅深海池魚，係師傅未講之前，就已經估得出啦，好爽好甜，好新鮮嫁。赤貝壽司，紅橙色嘅赤貝，色澤特別，爽軟
廚師發板除了高級，而且都好得體，請食飯同客食飯，都係一流嘅選擇。
其實都食過唔少師傅發辦餐廳，朋友唔想食間舊嘅餐廳，咁就去試間新嫁啦。我上網就找到依間上環呢全新開嘅日本料理。
Omakase $1380
今次我哋每人叫咗一個中等價位嘅廚師發板，包括: 前菜，刺身，壽司，熱食，湯，甜品。
紅葉蟹肉，經師傅拆殼，食到啖啖嘅紅葉蟹肉，而且又紅色賣相好靚，又夠特別，影相一流。
最近都食咗另外一間廚師發辦餐廳，都係有剝皮魚食，入面竟然有剝皮魚肝，嘩，估都估唔到，仲花心思做砌一個花型，真係好靚啊。
除咗花花形，另一個刺身都好特別，佢就係針魚喇，切成葉子嘅形狀，一樣好靚啊，魚肉爽甜，沾上醬汁更好。
響螺刺身，響螺除咗係中式菜之外，其實都可以用來做刺身，口感超爽脆，我好喜歡。
我不嬲都好中意食野生油金魚，今次仲要係野生嘅添，油份比平時嘅多，也會肥美小小，入口真係好油好甘香，好正。
係食壽司之前，仲有一個柚子同檸檬嘅啫喱，清一清口腔，真係好貼心。
銀色嘅深海池魚，係師傅未講之前，就已經估得出啦，好爽好甜，好新鮮嫁。
赤貝壽司，紅橙色嘅赤貝，色澤特別，爽軟口感夾雜，仲有點海水味。
金目鯛都係我好鍾意食嘅壽司，紅色嘅魚肉，好有喜慶嘅感覺，同我朋友慶祝生日真係好夾。
食完壽司仲有一個湯，一般廚師發辦嘅湯都係海鮮或魚湯，估唔到呢度嘅湯，係湯麵，素麵加櫻花蝦，有驚喜呢。
今晚就唔該曬威師傅幫我哋準備一餐咁精彩嘅晚餐，朋友食得好開心啊。
張貼
