影片
更多
2022-11-10
591 瀏覽
呢間尖沙咀既云手工火鍋喺好多飲食雜誌都有報導同拎過一啲美食獎，佢出名啲火鍋湯底好正。佢樓面幾寬落，同隔離枱都好有距離，坐得舒服。佢仲有幾間VIP房，如果一班人想嘈啲又唔想嘈親人，就好啱黎呢度。 首先要推介佢個九宮格醬料拼盤，其中最有驚喜係有花椒油，mix完其他醬料之後佢既麻味十分之突出。佢有幾款幾特別同名貴既火鍋湯底，例如金湯火膠雞湯，火焰三椰雞鍋......今晚我地三個人叫左： ✨️松茸雞翅冬瓜魚鍋（$368， 9／10） 呢個鍋底十分豐富同名貴！有好多松茸菇，素雞翅，成大個冬瓜同埋三黃雞！湯底好鮮甜，一黎就每人飲左兩大碗。我特別欣賞入面既松茸菇同猴頭菇，超級有菇味同juicy! 呢個鍋底雞件有好多，雞件都好滑同有雞味！其實啲鍋底料料食完都已經半飽😂。啲冬瓜最後吸哂啲精華，越煲越焾，好入味！火鍋食冬瓜都係第一次，其實都幾好味！ 🔶️牛肉拼盤（中）（$388，8／10）拼盤有本地牛肉，安格斯，牛舌，牛胸爽，牛心椗同牛柳粒。賣相唔錯，其中最特別係有牛胸爽同牛心椗，平時都好少食到，原來係咁爽口。另外都好欣賞佢既牛舌，好爽身。 🔶️自家製響鈴（$68，8.8／10）有6條大大條，食得出同出面唔同，
首先要推介佢個九宮格醬料拼盤，其中最有驚喜係有花椒油，mix完其他醬料之後佢既麻味十分之突出。佢有幾款幾特別同名貴既火鍋湯底，例如金湯火膠雞湯，火焰三椰雞鍋......今晚我地三個人叫左：
✨️松茸雞翅冬瓜魚鍋（$368， 9／10）
呢個鍋底十分豐富同名貴！有好多松茸菇，素雞翅，成大個冬瓜同埋三黃雞！湯底好鮮甜，一黎就每人飲左兩大碗。我特別欣賞入面既松茸菇同猴頭菇，超級有菇味同juicy! 呢個鍋底雞件有好多，雞件都好滑同有雞味！其實啲鍋底料料食完都已經半飽😂。啲冬瓜最後吸哂啲精華，越煲越焾，好入味！火鍋食冬瓜都係第一次，其實都幾好味！
🔶️牛肉拼盤（中）（$388，8／10）
拼盤有本地牛肉，安格斯，牛舌，牛胸爽，牛心椗同牛柳粒。賣相唔錯，其中最特別係有牛胸爽同牛心椗，平時都好少食到，原來係咁爽口。另外都好欣賞佢既牛舌，好爽身。
🔶️自家製響鈴（$68，8.8／10）
有6條大大條，食得出同出面唔同，炸得好脆，偏厚身，所以淥多幾秒都ok，食落都好香豆味，唔會咸。
🔶️手打芝心牛丸（半）（$52，8.2／10）
小心芝士爆醬！牛肉丸好彈！
🔶️竹笙帶子香菇餃 （半）（$68，8.5／10）
好香帶子味同冬菇味，隻餃都好飽滿。
🔶️自家製黑松露蟹肉餃 （半）（$68，8／10）
好香黑松露味，不過有少少搶左蟹肉風頭，肉質再實淨啲會好啲。
🔶️雜菜拼盤（$78，8／10）
好新鮮，又有粟米蕃茄娃娃菜，有5-6款。
🔶️鴨血（$84，9.2／10）
好好味！鴨血滑得黎幾挺身，可以夾得起。
✏️總括而言，好高質好精緻既火鍋店，服務仲好好，會介紹食材，定時換碟加水同埋片油，幾好service！啱一大班人黎食。🙂
5 瀏覽
0 讚好
0 留言
張貼
