甘牌燒鵝

營業中

休息中

帶朋友過香港玩，想帶佢去試下米芝蓮美食，咁啱路過灣仔甘牌燒鵝，唔算多人，等咗半個鍾島就到我哋了。兩個人要同人地搭枱，逼到手都無地方放。朋友唔識講粵語，一直用普通話叫服務員服務員，服務員當佢無到，我挨咗聲，“唔該！”先有阿姐慢條斯理咁行過來，真係把起火。點咗兩個碟頭飯同埋皮蛋酸薑，香港唔單止地系寸金尺土，d飯仲矜貴，2兩都唔夠，燒鵝肉霉霉爛爛，好似隔夜嘅咁。皮蛋酸薑陣味好怪，酸酸餿餿咁，食到都反胃。都唔好意思同朋友講係米芝蓮一星，仲話我介紹錯，真係失禮人。