雲香園小鍋米線

營業中

休息中

尖沙咀最近開左間米線鋪，超愛食米線嘅我梗係要試下呢間主打小鍋米線嘅小店，佢地嘅湯底用6個小時熬製，湯底濃郁好味。小鍋米線本身配左芽菜、酸菜、韭菜、蔥、芫茜、辣肉碎，配菜就每樣$7-$18不等。米線軟硬適中，入口彈牙，最驚係食到太淋嘅米線，但佢地嘅米線我覺得係岩岩好嘅，幾岩我口味！薯粉就係粗身嘅款式，但口感幾煙韌🫰🏻餸菜方面，叫左腩肉、魚腐、魚肉春卷、螺旋草，螺旋草好爽口，吸晒湯汁！腩肉肥瘦適中，魚肉春卷幾特別，出邊比較少食到！仲叫左炸雞翼，炸得夠香脆，肉質嫰滑🥰烤台灣小香腸味道特別，食落甜甜地，外層卜卜脆！